میں مر نہ جاؤں کہیں اے سراپا نور بدن

میں مر نہ جاؤں کہیں اے سراپا نور بدن

کبھی نگاہ میں آیا نہیں ہے حور بدن

تجلیات کو اپنی خفا میں رکھیو پیا

ہوس کے ماروں کی منزل ہے ایسا طور بدن

دو ایک روز میں ذرات اڑتے دیکھو گے

ہے انحطاط وجودی سے چور چور بدن

کھڑی ہے روح ٹھکانے پہ ساکت و جامد

یہ پہلی بار ہوا جو ہوا ہے دور بدن

یہ معجزہ ہے کرامت ہے اب خدا جانے

زمین لیتی نہیں ہے بجز طہور بدن

فروتنی نے نمایاں کیا ہے انساں کو

اسیر خاک ہوئے ہیں سبھی غرور بدن