main naqsh-e-pa sahi meri apni saDak to hai

maiñ naqsh-e-pā sahī mirī apnī saḌak to hai

markaz se chāhe duur huuñ mujh meñ chamak to hai

sūraj kī dūsrī taraf ābād hote ham

rang-e-digar sahī vahāñ imkān-e-haq to hai

hai.at se māvarā hai lisānī jamāliyāt

paanī kā asl zā.iqa zer-e-namak to hai

muñh-zor bad-tamīz balā kī hasīn hai

lahje meñ gar nahīñ hai badan meñ lachak to hai

to kyā agar maiñ siikh luuñ taslīm kā 'amal

chehre pe mere kasrat-e-rad kī jhalak to hai

pahle to bādbān the kār-e-havas meñ ham

ab donoñ kī zabān pe thoḌī jhijhak to hai

āb-o-havā se baḌh ke hai tāsīr-e-bandagī

taḳhlīq-e-do-jahāñ meñ isī kī chamak to hai

main naqsh-e-pa sahi meri apni saDak to hai

markaz se chahe dur hun mujh mein chamak to hai

suraj ki dusri taraf aabaad hote hum

rang-e-digar sahi wahan imkan-e-haq to hai

haiat se mawara hai lisani jamaliyat

pani ka asl zaiqa zer-e-namak to hai

munh-zor bad-tamiz bala ki hasin hai

lahje mein gar nahin hai badan mein lachak to hai

to kya agar main sikh lun taslim ka 'amal

chehre pe mere kasrat-e-rad ki jhalak to hai

pahle to baadban the kar-e-hawas mein hum

ab donon ki zaban pe thoDi jhijhak to hai

aab-o-hawa se baDh ke hai tasir-e-bandagi

taKHliq-e-do-jahan mein isi ki chamak to hai