maine aaj ek tamasha dekha

maiñ ne aaj ek tamāshā dekhā

sāġhar-e-chashm meñ dariyā dekhā

raat ik ḳhvāb nirālā dekhā

dosh par apnā janāza dekhā

pūchhiye kuchh nahīñ kyā kyā dekhā

vaqt ne jo bhī dikhāyā dekhā

ḳhuun patthar se bhī ristā dekhā

zindagī terā sarāpā dekhā

qaid thiiñ dard kī sadiyāñ jis meñ

merī qismat ne vo lamha dekhā

tishnagī hī jaise dariyā se milī

us ne qatre meñ bhī dariyā dekhā

hādse vaqt ke haiñ jis pe raqam

kyā kisī ne bhī vo chehra dekhā

umr-bhar dhuup meñ yūñhī taḌpo

tum ne kyoñ ḳhvāb sahar kā dekhā

so gayā vaqt bhī mahtāb ke saath

raat 'shiblī' ko bhī tanhā dekhā

main ne aaj ek tamasha dekha

saghar-e-chashm mein dariya dekha

raat ek KHwab nirala dekha

dosh par apna janaza dekha

puchhiye kuchh nahin kya kya dekha

waqt ne jo bhi dikhaya dekha

KHun patthar se bhi rista dekha

zindagi tera sarapa dekha

qaid thin dard ki sadiyan jis mein

meri qismat ne wo lamha dekha

tishnagi hi jaise dariya se mili

us ne qatre mein bhi dariya dekha

hadse waqt ke hain jis pe raqam

kya kisi ne bhi wo chehra dekha

umr-bhar dhup mein yunhi taDpo

tum ne kyon KHwab sahar ka dekha

so gaya waqt bhi mahtab ke sath

raat 'shibli' ko bhi tanha dekha