Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

maine irada jab bhi kiya hai uDan ka

Habeeb Kaifi

maine irada jab bhi kiya hai uDan ka

Habeeb Kaifi

MORE BYHabeeb Kaifi

    maiñ ne irāda jab bhī kiyā hai uḌaan kā

    us ko ḳhayāl aayā hai tīr-o-kamān kā

    aa.e ḳhayāl apnī zamīñ kā bhī kuchh unheñ

    rakhte haiñ dard dil meñ jo saare jahān kā

    phir shahr-e-dostāñ kī taraf gāmzan huuñ maiñ

    go jāntā huuñ shahr meñ ḳhatra hai jaan kā

    ham ko zamīñ se ḳhūb-tar aayā na kuchh nazar

    chakkar lagā ke dekh chuke āsmān kā

    az-ḳhud hī ḳhvāhisheñ mirī mahdūd ho ga.iiñ

    aayā ḳhayāl jab mujhe apne makān kā

    main ne irada jab bhi kiya hai uDan ka

    us ko KHayal aaya hai tir-o-kaman ka

    aae KHayal apni zamin ka bhi kuchh unhen

    rakhte hain dard dil mein jo sare jahan ka

    phir shahr-e-dostan ki taraf gamzan hun main

    go jaanta hun shahr mein KHatra hai jaan ka

    hum ko zamin se KHub-tar aaya na kuchh nazar

    chakkar laga ke dekh chuke aasman ka

    az-KHud hi KHwahishen meri mahdud ho gain

    aaya KHayal jab mujhe apne makan ka

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning
    Speak Now