maine kaha ki da۔awa-e-ulfat magar ghalat

Syed Yusuf Ali Khan Nazim

maine kaha ki da۔awa-e-ulfat magar ghalat

Syed Yusuf Ali Khan Nazim

MORE BYSyed Yusuf Ali Khan Nazim

    maiñ ne kahā ki da.avā-e-ulfat magar ġhalat

    kahne lage ki haañ ġhalat aur kis qadar ġhalat

    tāsīr-e-āh-o-zārī-e-shab-hā-e-tār jhuuT

    āvāza-e-qubūl duā-e-sahar ġhalat

    soz-e-jigar se hoñT pe tabḳhāla iftirā

    shor-e-fuġhāñ se jumbish-e-dīvār-o-dar ġhalat

    haañ siine se numā.ish dāġh-e-darūñ daroġh

    haañ aañkh se tarāvish-e-ḳhūn-e-jigar ġhalat

    aa jaa.e koī dam meñ to kyā kuchh na kījiye

    ishq-e-majāz-o-chashm-e-haqīqat-nigar ġhalat

    bos-o-kanār ke liye ye sab fareb haiñ

    izhār-e-pāk-bāzī-o-zauq-e-nazar ġhalat

    lo sāhab āftāb kahāñ aur ham kahāñ

    ahmaq baneñ ham is ko na samjheñ agar ġhalat

    siine meñ apne jānte ho tum ki dil nahīñ

    ham ko samajhte ho ki hai in kamar ġhalat

    kahnā adā ko teġh ḳhushāmad baat hai

    siine ko apnī us samajhnā sipar ġhalat

    miTTī meñ kyā dharī thī ki chupke se sauñp

    jān-e-azīz peshkash-e-nāma-bar ġhalat

    pūchho to koī mar ke bhī kartā hai kuchh kalām

    kahte ho jaan hai sar-e-rah-guzar ġhalat

    ham pūchhte phireñ ki janāza kidhar gayā

    marne apnī roz uḌānī ḳhabar ġhalat

    aayat nahīñ hadīs nahīñ jis ko māniye

    hai nazm-o-nasr ahl-e-suḳhan sar-basar ġhalat

    ye kuchh sunā javāb meñ 'nāzim' sitam kiyā

    kyuuñ ye kahā ki da.avā-e-ulfat magar ġhalat

    main ne kaha ki dawa-e-ulfat magar ghalat

    kahne lage ki han ghalat aur kis qadar ghalat

    tasir-e-ah-o-zari-e-shab-ha-e-tar jhuT

    aawaza-e-qubul dua-e-sahar ghalat

    soz-e-jigar se honT pe tabKHala iftira

    shor-e-fughan se jumbish-e-diwar-o-dar ghalat

    han sine se numaish dagh-e-darun darogh

    han aankh se tarawish-e-KHun-e-jigar ghalat

    aa jae koi dam mein to kya kuchh na kijiye

    ishq-e-majaz-o-chashm-e-haqiqat-nigar ghalat

    bos-o-kanar ke liye ye sab fareb hain

    izhaar-e-pak-bazi-o-zauq-e-nazar ghalat

    lo sahab aaftab kahan aur hum kahan

    ahmaq banen hum is ko na samjhen agar ghalat

    sine mein apne jaante ho tum ki dil nahin

    hum ko samajhte ho ki hai in ki kamar ghalat

    kahna ada ko tegh KHushamad ki baat hai

    sine ko apni us ki samajhna sipar ghalat

    miTTi mein kya dhari thi ki chupke se saunp di

    jaan-e-aziz peshkash-e-nama-bar ghalat

    puchho to koi mar ke bhi karta hai kuchh kalam

    kahte ho jaan di hai sar-e-rah-guzar ghalat

    hum puchhte phiren ki janaza kidhar gaya

    marne ki apni roz uDani KHabar ghalat

    aayat nahin hadis nahin jis ko maniye

    hai nazm-o-nasr ahl-e-suKHan sar-basar ghalat

    ye kuchh suna jawab mein 'nazim' sitam kiya

    kyun ye kaha ki dawa-e-ulfat magar ghalat

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY