maine yun haalat ko bad-tar nahin hone diya

maiñ ne yuuñ hālāt ko bad-tar nahīñ hone diyā

phuul sā lahja kabhī ḳhanjar nahīñ hone diyā

sho’la-e-ehsās kī garmī se pighlāte rahe

mom ko ham ne kabhī patthar nahīñ hone diyā

āshnā.ī ho sanam se ye gavāra bhī nahīñ

is dil-e-haqdār ko aazar nahīñ hone diyā

baap maañ kī ye du'āoñ kā asar hai dekhiye

des kyā pardes meñ be-ghar nahīñ hone diyā

ashk āñkhoñ se nadāmat ke gire girte ga.e

merī palkoñ ne inheñ gauhar nahīñ hone diyā

ham bulandī pe rahe qismat se parcham kī tarah

ḳham kabhī bhī ham ne apnā sar nahīñ hone diyā

zindagī ne mujh ko 'saifī' dī hai chādar muḳhtasar

maiñ ne apne paañv ko bāhar nahīñ hone diyā

main ne yun haalat ko bad-tar nahin hone diya

phul sa lahja kabhi KHanjar nahin hone diya

sho’la-e-ehsas ki garmi se pighlate rahe

mom ko hum ne kabhi patthar nahin hone diya

aashnai ho sanam se ye gawara bhi nahin

is dil-e-haqdar ko aazar nahin hone diya

bap man ki ye du'aon ka asar hai dekhiye

des kya pardes mein be-ghar nahin hone diya

ashk aankhon se nadamat ke gire girte gae

meri palkon ne inhen gauhar nahin hone diya

hum bulandi pe rahe qismat se parcham ki tarah

KHam kabhi bhi hum ne apna sar nahin hone diya

zindagi ne mujh ko 'saifi' di hai chadar muKHtasar

main ne apne panw ko bahar nahin hone diya