main nichoDa ja chuka nikle na bal taqdir ke

maiñ nichoḌā jā chukā nikle na bal taqdīr ke

kitne gahre halqe haiñ allāh is zanjīr ke

bas nahīñ chaltā kisī kā sāmne taqdīr ke

uḌte dekhe haiñ paraḳhche dāman-e-tadbīr ke

tum kaho tum dekh bhī sakte ho zaḳhmoñ kī bahār

merā kyā maiñ to dikhā dūñgā kaleja chiir ke

dil to TukḌe TukḌe hai phir bhī dikhā saktā huuñ maiñ

dil ke har TukḌe meñ kuchh TukḌe tumhāre tiir ke

ġham-gusārī ye bhī hai ye kar liyā kar kam se kam

paas jā kar baiTh jaayā kar kisī dil-gīr ke

paḌh liyā kartā huuñ aksar apnī qismat kā likhā

aaj bhī mahfūz haiñ purze tirī tahrīr ke

kab se masrūf-e-du'ā huuñ lekin ab tak ai 'vaqār'

paas se bhī to nahīñ guzrī du'ā tāsīr ke

main nichoDa ja chuka nikle na bal taqdir ke

kitne gahre halqe hain allah is zanjir ke

bas nahin chalta kisi ka samne taqdir ke

uDte dekhe hain paraKHche daman-e-tadbir ke

tum kaho tum dekh bhi sakte ho zaKHmon ki bahaar

mera kya main to dikha dunga kaleja chir ke

dil to TukDe TukDe hai phir bhi dikha sakta hun main

dil ke har TukDe mein kuchh TukDe tumhaare tir ke

gham-gusari ye bhi hai ye kar liya kar kam se kam

pas ja kar baiTh jaya kar kisi dil-gir ke

paDh liya karta hun aksar apni qismat ka likha

aaj bhi mahfuz hain purze teri tahrir ke

kab se masruf-e-du'a hun lekin ab tak ai 'waqar'

pas se bhi to nahin guzri du'a tasir ke