maiñ sarāpā maz.har-e-ism-e-ḳhudā vallāh huuñ
ham-safīro is chaman meñ murġh-e-bismillāh huuñ
kis taraf jā.ūñ dikhā do yā mohamād rāh-e-haq
yaañ har ik gumrāh kahtā hai maiñ ḳhizr-e-rāh huuñ
ai masīhā terī zulfoñ kī darāzī dekh kar
kahtī hī umr-e-ḳhizar maiñ gesū-e-kotāh huuñ
āsmāñ par bhī siyah-baḳhtī meñ hai merā dimāġh
ḳhāl-e-rū-e-mehr huuñ dāġh-e-jabīn-e-māh huuñ
kah rahī hai āsmāñ se yaar ke ghar kī zamīñ
tuur huuñ sahrā-e-aiman huuñ tajallī-gāh huuñ
baiThnā kaisā idhar aayā udhar raahī huā
din jo huuñ to muḳhtasar huuñ shab jo huuñ kotāh huuñ
allāh allāh kyā hai in ke paañv kī Thokar kā lutf
hai har ik but kī tamannā kaash sañg-e-rāh huuñ
roz-e-mahshar se 'vazīr' afzūñ hai is kāfir kā tuul
ab bhī kahtī hai shab-e-furqat bahut kotāh huuñ
main sarapa mazhar-e-ism-e-KHuda wallah hun
ham-safiro is chaman mein murgh-e-bismillah hun
kis taraf jaun dikha do ya mohamad rah-e-haq
yan har ek gumrah kahta hai main KHizr-e-rah hun
ai masiha teri zulfon ki daraazi dekh kar
kahti hi umr-e-KHizar main gesu-e-kotah hun
aasman par bhi siyah-baKHti mein hai mera dimagh
KHal-e-ru-e-mehr hun dagh-e-jabin-e-mah hun
kah rahi hai aasman se yar ke ghar ki zamin
tur hun sahra-e-aiman hun tajalli-gah hun
baiThna kaisa idhar aaya udhar rahi hua
din jo hun to muKHtasar hun shab jo hun kotah hun
allah allah kya hai in ke panw ki Thokar ka lutf
hai har ek but ki tamanna kash sang-e-rah hun
roz-e-mahshar se 'wazir' afzun hai is kafir ka tul
ab bhi kahti hai shab-e-furqat bahut kotah hun
Source:
Daftar-e-Fasahat (Pg. ebook-146 page-129)
-
Author:
Khwaja Mohammad Wazir
-
- Edition: 1847
- Publisher: Matba Mustafai, Lucknow
- Year of Publication: 1847
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.