main tujhse rishta-e-ummid joD aaya tha

maiñ tujh se rishta-e-ummīd joḌ aayā thā

nigāh-e-yās tire dar pe chhoḌ aayā thā

lahūluhān rahe haath 'umr bhar mere

koī yaqīn thā maiñ jis ko toḌ aayā thā

ye kis maqām pe raaja ko mil ga.ī raanī

abhī abhī to kahānī meñ moḌ aayā thā

bichhaḌte vaqt mire lab hue the ḳhushk jahāñ

maiñ chashm-e-tar bhī usī jā nichoḌ aayā thā

rah-e-safar meñ du'āoñ ne saath chhoḌā nahīñ

maiñ jab ki nekiyāñ to ghar pe chhoḌ aayā thā

main tujh se rishta-e-ummid joD aaya tha

nigah-e-yas tere dar pe chhoD aaya tha

lahuluhan rahe hath 'umr bhar mere

koi yaqin tha main jis ko toD aaya tha

ye kis maqam pe raja ko mil gai rani

abhi abhi to kahani mein moD aaya tha

bichhaDte waqt mere lab hue the KHushk jahan

main chashm-e-tar bhi usi ja nichoD aaya tha

rah-e-safar mein du'aon ne sath chhoDa nahin

main jab ki nekiyan to ghar pe chhoD aaya tha