Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main wo hun jis ka zamane ne sabaq yaad kiya

Saqib Lakhnavi

main wo hun jis ka zamane ne sabaq yaad kiya

Saqib Lakhnavi

MORE BYSaqib Lakhnavi

    maiñ vo huuñ jis zamāne ne sabaq yaad kiyā

    ġham ne shāgird kiyā phir mujhe ustād kiyā

    husn-e-jāñ-soz ne vahdat meñ mujhe yaad kiyā

    maiñ ye samjhā ki mujhe ishq ne barbād kiyā

    nahīñ ma.alūm vo maiñ huuñ ki koī aur asiir

    sun rahā huuñ ki giraftār ko āzād kiyā

    jis jagah khaa.ī thī Thokar vahīñ turbat thī mirī

    bhūlne vaale ne mushkil se mujhe yaad kiyā

    merī aahoñ havāoñ meñ na aa jaanā tum

    ye vahī haiñ ki jinhoñ ne mujhe barbād kiyā

    ḳhāna-e-qabr ajab chiiz hai lekin maiñ ne

    itne TukḌe ko bhī ik umr meñ ābād kiyā

    yās-o-ummīd ke mābain huī ḳhatm hayāt

    ek ne shaad kiyā ek ne nāshād kiyā

    tujh ko sab dete haiñ āvāz vo apne hoñ ki ġhair

    is taraf maiñ ne mo.azzin ne udhar yaad kiyā

    maiñ thā ik ḳhaak chuTkī to uḌā jaatā huuñ

    ḳhaak vo bhī hai zarra jise sayyād kiyā

    kis se luuñ dād-e-vafā kis ko dikhā.ūñ ye jafā

    vo to parde meñ hai jis ne mujhe ījād kiyā

    ishq meñ apne hāthoñ se huā do TukḌe

    dil-e-nākām ne kār-e-sar-e-farhād kiyā

    nā-tavānī meñ gire the jo lahū ke qatre

    maiñ to bhūlā huā thā dil ne bahut yaad kiyā

    ashk āñkhoñ se gire ḳhuun ragoñ meñ jo na thā

    maiñ ne āḳhir adab-e-nashtar-e-fassād kiyā

    zarre zarre se mirī ḳhaak ye detī hai sadā

    rahe ābād vo jis ne mujhe barbād kiyā

    ek sannāTā aalam meñ thā lekin maiñ ne

    fat.h bāb-e-asar-e-nāla-o-faryād kiyā

    jitne shikve haiñ tujhī se haiñ ki is aalam meñ

    mujh ko bulbul kiyā sayyād ko sayyād kiyā

    rāsta chalne ke qābil na rahā ai hamdam

    maiñ ne manzil pe nayā marhala ījād kiyā

    maiñ to chyūñTī ke kuchalne se hazar rakhtā thā

    phir mujhe kis ne tah-e-zānū-e-jallād kiyā

    itnā zinda rahe ham jis se khulīñ ma.anī-e-maut

    sub.h-e-ījād meñ qasd-e-adam ābād kiyā

    nikalne lagī ġhunchoñ se to phir Dar kis

    ye ḳhabar sach hai to sayyād ne āzād kiyā

    qabl-az-vaqt phañsā daam meñ aur phañste

    jo tamannā yahāñ laa.ī thī use yaad kiyā

    ālam-e-husn hai vo naqsh-e-ma.ānī 'sāqib'

    jo mirī tab-e-ḳhudā-dād ne ījād kiyā

    main wo hun jis ka zamane ne sabaq yaad kiya

    gham ne shagird kiya phir mujhe ustad kiya

    husn-e-jaan-soz ne wahdat mein mujhe yaad kiya

    main ye samjha ki mujhe ishq ne barbaad kiya

    nahin malum wo main hun ki koi aur asir

    sun raha hun ki giraftar ko aazad kiya

    jis jagah khai thi Thokar wahin turbat thi meri

    bhulne wale ne mushkil se mujhe yaad kiya

    meri aahon ki hawaon mein na aa jaana tum

    ye wahi hain ki jinhon ne mujhe barbaad kiya

    KHana-e-qabr ajab chiz hai lekin main ne

    itne TukDe ko bhi ek umr mein aabaad kiya

    yas-o-ummid ke mabain hui KHatm hayat

    ek ne shad kiya ek ne nashad kiya

    tujh ko sab dete hain aawaz wo apne hon ki ghair

    is taraf main ne moazzin ne udhar yaad kiya

    main tha ek KHak ki chuTki to uDa jata hun

    KHak ka wo bhi hai zarra jise sayyaad kiya

    kis se lun dad-e-wafa kis ko dikhaun ye jafa

    wo to parde mein hai jis ne mujhe ijad kiya

    ishq mein apne hi hathon se hua do TukDe

    dil-e-nakaam ne kar-e-sar-e-farhad kiya

    na-tawani mein gire the jo lahu ke qatre

    main to bhula hua tha dil ne bahut yaad kiya

    ashk aankhon se gire KHun ragon mein jo na tha

    main ne aaKHir adab-e-nashtar-e-fassad kiya

    zarre zarre se meri KHak ye deti hai sada

    rahe aabaad wo jis ne mujhe barbaad kiya

    ek sannaTa sa aalam mein tha lekin main ne

    fath bab-e-asar-e-nala-o-faryaad kiya

    jitne shikwe hain tujhi se hain ki is aalam mein

    mujh ko bulbul kiya sayyaad ko sayyaad kiya

    rasta chalne ke qabil na raha ai hamdam

    main ne manzil pe naya marhala ijad kiya

    main to chyunTi ke kuchalne se hazar rakhta tha

    phir mujhe kis ne tah-e-zanu-e-jallad kiya

    itna zinda rahe hum jis se khulin mani-e-maut

    subh-e-ijad mein qasd-e-adam aabaad kiya

    bu nikalne lagi ghunchon se to phir Dar kis ka

    ye KHabar sach hai to sayyaad ne aazad kiya

    qabl-az-waqt phansa dam mein aur phanste hi

    jo tamanna yahan lai thi use yaad kiya

    aalam-e-husn hai wo naqsh-e-maani 'saqib'

    jo meri tab-e-KHuda-dad ne ijad kiya

    Source :
    • Book : Deewan-e-Saqib (Pg. 187)
    • Author : Mirza Zakir Husain Qazlibaas Saqib Lucknowvi
    • Publication : Urdu Acadami U.P. (1998)
    • Edition : 1998
    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now