main ye nahin kahta ki gunahgar nahin hun

maiñ ye nahīñ kahtā ki gunahgār nahīñ huuñ

'aa.ed ho koī jurm vo kirdār nahīñ huuñ

jis se mirī pahchān hī miT jaa.e jahāñ se

maiñ aisī navāzish kā talabgār nahīñ huuñ

yā merī vafāoñ kā badal DhūñD ke laao

yā mujh se ye kah do ki vafādār nahīñ huuñ

me'rāj-e-mohabbat mujhe hāsil ho to kaise

dil hai mirā muḳhtār maiñ muḳhtār nahīñ huuñ

āzād parinde kī tarah soch hai ab bhī

ho kar bhī giraftār giraftār nahīñ huuñ

ye kaun sī manzil se ḳhudā jaane junūñ kī

hote hue bezār bhī bezār nahīñ huuñ

āġhāz-e-mohabbat to bahut ḳhuub hai 'tābish'

anjām-e-mohabbat se ḳhabar-dār nahīñ huuñ

main ye nahin kahta ki gunahgar nahin hun

'aed ho koi jurm wo kirdar nahin hun

jis se meri pahchan hi miT jae jahan se

main aisi nawazish ka talabgar nahin hun

ya meri wafaon ka badal DhunD ke lao

ya mujh se ye kah do ki wafadar nahin hun

me'raj-e-mohabbat mujhe hasil ho to kaise

dil hai mera muKHtar main muKHtar nahin hun

aazad parinde ki tarah soch hai ab bhi

ho kar bhi giraftar giraftar nahin hun

ye kaun si manzil se KHuda jaane junun ki

hote hue bezar bhi bezar nahin hun

aaghaz-e-mohabbat to bahut KHub hai 'tabish'

anjam-e-mohabbat se KHabar-dar nahin hun