main zaKHm kha ke gira tha ki tham usne liya

Faisal Ajmi

main zaKHm kha ke gira tha ki tham usne liya

Faisal Ajmi

MORE BY Faisal Ajmi

    maiñ zaḳhm khā ke girā thā ki thaam us ne liyā

    muaaf kar ke mujhe intiqām us ne liyā

    maiñ so gayā to koī niiñd se uThā mujh meñ

    phir apne haath meñ sab intizām us ne liyā

    kabhī bhulāyā kabhī yaad kar liyā us ko

    ye kaam hai to bahut mujh se kaam us ne liyā

    na jaane kis ko pukārā gale lagā ke mujhe

    magar vo merā nahīñ thā jo naam us ne liyā

    bahār aa.ī to phūloñ se un ḳhushbū

    havā chalī to havā se ḳhirām us ne liyā

    fanā ne kuchh nahīñ māñgā savāl karte hue

    isī adā pe ḳhudā se davām us ne liyā

    main zaKHm kha ke gira tha ki tham us ne liya

    muaf kar ke mujhe intiqam us ne liya

    main so gaya to koi nind se uTha mujh mein

    phir apne hath mein sab intizam us ne liya

    kabhi bhulaya kabhi yaad kar liya us ko

    ye kaam hai to bahut mujh se kaam us ne liya

    na jaane kis ko pukara gale laga ke mujhe

    magar wo mera nahin tha jo nam us ne liya

    bahaar aai to phulon se un ki KHushbu li

    hawa chali to hawa se KHiram us ne liya

    fana ne kuchh nahin manga sawal karte hue

    isi ada pe KHuda se dawam us ne liya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY