malte hain hath, hath lagenge anar kab

Aagha Akbarabadi

malte hain hath, hath lagenge anar kab

Aagha Akbarabadi

MORE BY Aagha Akbarabadi

    malte haiñ hāth, haath lageñge anaar kab

    joban un ke dekhiye hogā ubhār kab

    ushshāq muntazir haiñ qayāmat kab aa.egī

    be-parda muñh dikhā.egā vo parda-dār kab

    ik roz apnī jaan pe ham khel jā.eñge

    tum pūchhte rahoge yūñhī baar baar kab

    bekas ko kaun ro.e ġharīboñ kaun hai

    merī lahad pe sham.a huī ashk-bār kab

    kaun aayā paḌhte fātiha kis ne chaḌhā.e phuul

    marne ke ba.ad pūchhtā hai koī yaar kab

    ummīd nā-umīd ko un se nahīñ rahī

    dushman ke dost haiñ vo hue mere yaar kab

    jo ūñche ūñche haiñ vahī jaate haiñ baam par

    mahfil meñ ham ġharīboñ ko miltā hai yaar kab

    jab naqd maal ne diyā ham ne naqd-e-dil

    saaqī hameñ batā de ki thī udhār kab

    milnā chhuḌāyā tum se mirā rashk-e-ġhair ne

    kartā hai koī aap se jabr iḳhtiyār kab

    'āġhā' ko zab.h karte ho apnī galī meñ kyuuñ

    jaa.ez hai merī jaan haram meñ shikār kab

    malte hain hath, hath lagenge anar kab

    joban ka un ke dekhiye hoga ubhaar kab

    ushshaq muntazir hain qayamat kab aaegi

    be-parda munh dikhaega wo parda-dar kab

    ek roz apni jaan pe hum khel jaenge

    tum puchhte rahoge yunhi bar bar kab

    bekas ko kaun roe gharibon ka kaun hai

    meri lahad pe shama hui ashk-bar kab

    kaun aaya paDhte fatiha kis ne chaDhae phul

    marne ke baad puchhta hai koi yar kab

    ummid na-umid ko un se nahin rahi

    dushman ke dost hain wo hue mere yar kab

    jo unche unche hain wahi jate hain baam par

    mahfil mein hum gharibon ko milta hai yar kab

    jab naqd mal tu ne diya hum ne naqd-e-dil

    saqi hamein bata de ki pi thi udhaar kab

    milna chhuDaya tum se mera rashk-e-ghair ne

    karta hai koi aap se jabr iKHtiyar kab

    'agha' ko zabh karte ho apni gali mein kyun

    jaez hai meri jaan haram mein shikar kab

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites