manzil-e-be-jahat ki KHair sai-e-safar hai raegan

manzil-e-be-jahat kī ḳhair sa.ī-e-safar hai rā.egāñ

ahl-e-vafā ke qāfile phir bhī to haiñ ravāñ davāñ

zahr hai mere jaam meñ hoñToñ pe aa ga.ī hai jaañ

phir bhī mujhe hayāt par tere karam kā hai gumāñ

dahr pe maiñ khulā nahīñ mujh ko ḳhudā milā nahīñ

aap hī apnā raaz huuñ aap hī apnā rāz-dāñ

husn ko chhū ke dekhnā aag thā mom ke liye

ruuh pighal ke rah ga.ī aql huī dhuāñ dhuāñ

vo bhī to haiñ ki zindagī jin ke liye hai añgbīñ

zā.iqa-e-hayāt se aiñTh ga.ī mirī zabāñ

gosh-e-gul-bahār meñ kis ne kahā hai harf-e-shauq

kaun hai merā tarjumāñ kis ko milī mirī zabāñ

manzil-e-be-jahat ki KHair sai-e-safar hai raegan

ahl-e-wafa ke qafile phir bhi to hain rawan dawan

zahr hai mere jam mein honTon pe aa gai hai jaan

phir bhi mujhe hayat par tere karam ka hai guman

dahr pe main khula nahin mujh ko KHuda mila nahin

aap hi apna raaz hun aap hi apna raaz-dan

husn ko chhu ke dekhna aag tha mom ke liye

ruh pighal ke rah gai aql hui dhuan dhuan

wo bhi to hain ki zindagi jin ke liye hai angbin

zaiqa-e-hayat se ainTh gai meri zaban

gosh-e-gul-bahaar mein kis ne kaha hai harf-e-shauq

kaun hai mera tarjuman kis ko mili meri zaban