maraz lagta hai jo mujhko use meri dawa samjhe

maraz lagtā hai jo mujh ko use merī davā samjhe

divāna ho gayā huuñ maiñ divānoñ ko vo kyā samjhe

maiñ apne aap meñ ḳhush huuñ mujhe is se ġharaz kyā hai

ki ye mujh ko bhalā samjhe ki vo mujh ko burā samjhe

bichhaḌne kā vo ham se naam tak lene se ghabrā.e

jise ham hijr kahte haiñ use vo bad-duā samjhe

gunāhoñ se bachā jaa.e kahāñ tak is zamāne meñ

ki har ik moḌ par milte haiñ vo jin se ḳhudā samjhe

bharosā kyā mohabbat kab tumheñ badnām kar jaa.e

ki āshiq ko hamesha hī zamāna sar-phirā samjhe

hameñ vo kis sazā ke vāste tayyār kartā hai

jo apne bhī gunāhoñ ko hamārī hī ḳhatā samjhe

vo ham se niiñd ke raste sahī par rū-ba-rū to ho

kabhī to āñkhoñ meñ bhar le hameñ bhī ḳhvāb sā samjhe

hameñ 'afrañg' zālim se shikāyat hai to itnī hai

ham us ko to samajhte haiñ vo ham ko bhī zarā samjhe

maraz lagta hai jo mujh ko use meri dawa samjhe

diwana ho gaya hun main diwanon ko wo kya samjhe

main apne aap mein KHush hun mujhe is se gharaz kya hai

ki ye mujh ko bhala samjhe ki wo mujh ko bura samjhe

bichhaDne ka wo hum se nam tak lene se ghabrae

jise hum hijr kahte hain use wo bad-dua samjhe

gunahon se bacha jae kahan tak is zamane mein

ki har ek moD par milte hain wo jin se KHuda samjhe

bharosa kya mohabbat kab tumhein badnam kar jae

ki aashiq ko hamesha hi zamana sar-phira samjhe

hamein wo kis saza ke waste tayyar karta hai

jo apne bhi gunahon ko hamari hi KHata samjhe

wo hum se nind ke raste sahi par ru-ba-ru to ho

kabhi to aankhon mein bhar le hamein bhi KHwab sa samjhe

hamein 'afrang' zalim se shikayat hai to itni hai

hum us ko to samajhte hain wo hum ko bhi zara samjhe