marhale zist ke dushwar abhi ho jaen

Sahar Ansari

marhale zist ke dushwar abhi ho jaen

Sahar Ansari

MORE BYSahar Ansari

    marhale ziist ke dushvār abhī ho jaa.eñ

    taaki ham jiine ko tayyār abhī ho jaa.eñ

    ye jo kuchh log mire chār-taraf haiñ har-vaqt

    yaar ho jaa.eñ ki aġhyār abhī ho jaa.eñ

    jis ta.abīr hai ik ḳhvāb meñ chalte rahnā

    kyuuñ na us ḳhvāb se bedār abhī ho jaa.eñ

    jaane phir koī zarūrat bhī rahe na rahe

    jin ko honā hai vo ġham-ḳhvār abhī ho jaa.eñ

    koī tasvīr sajā legā to koī tahrīr

    kyuuñ na ham naqsh-ba-dīvār abhī ho jaa.eñ

    zindagī ḳhud ko bachānā hai ki jaañ denā hai

    faisle ye bhī haiñ ki vaar abhī ho jaa.eñ

    ek lamhe meñ badal sakte haiñ hālāt 'sahar'

    aap agar shāmil-e-darbār abhī ho jaa.eñ

    marhale zist ke dushwar abhi ho jaen

    taki hum jine ko tayyar abhi ho jaen

    ye jo kuchh log mere chaar-taraf hain har-waqt

    yar ho jaen ki aghyar abhi ho jaen

    jis ki tabir hai ek KHwab mein chalte rahna

    kyun na us KHwab se bedar abhi ho jaen

    jaane phir koi zarurat bhi rahe ya na rahe

    jin ko hona hai wo gham-KHwar abhi ho jaen

    koi taswir saja lega to koi tahrir

    kyun na hum naqsh-ba-diwar abhi ho jaen

    zindagi KHud ko bachana hai ki jaan dena hai

    faisle ye bhi hain ki war abhi ho jaen

    ek lamhe mein badal sakte hain haalat 'sahar'

    aap agar shamil-e-darbar abhi ho jaen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY