masala ye bhi ba-faiz-e-ishq aasan ho gaya

Ram Krishn Muztar

masala ye bhi ba-faiz-e-ishq aasan ho gaya

Ram Krishn Muztar

MORE BYRam Krishn Muztar

    mas.ala ye bhī ba-faiz-e-ishq āsāñ ho gayā

    ziist ko andāza-e-ġham-hā-e-daurāñ ho gayā

    dil meñ jab ehsās sho.ala farozāñ ho gayā

    nuur afshāñ har charāġh-e-bazm-e-imkāñ ho gayā

    tere lahrāte ai jān-e-tarab rūh-e-nashāt

    zindagī raqsāñ huī aalam ġhazal-ḳhvāñ ho gayā

    is tarah merī bahār-e-zindagī ruḳhsat huī

    dil ujaḌ kar rah gayā āġhosh vīrāñ ho gayā

    ho ga.ī jab zaḳhma-zan dard-e-mohabbat ḳhalish

    har nafas ik naġhma-e-sāz-e-rag-e-jāñ ho gayā

    anjum-afshāñ ho ga.ī jab merī chashm-e-ashk-bār

    dard tiira fazāoñ meñ charāġhāñ ho gayā

    jis ke ā.īne meñ lākhoñ rañg the jalva-fagan

    ḳhvāb vo lamha-e-aish-e-farāvāñ ho gayā

    maiñ ne har but parastish kuchh is andāz se

    kufr merā lā.eq-e-arbāb-e-īmāñ ho gayā

    aah muztar ab vo jalve haiñ na vo ra.anā.iyāñ

    har nazāra sāya-e-umr-e-gurezāñ ho gayā

    masala ye bhi ba-faiz-e-ishq aasan ho gaya

    zist ko andaza-e-gham-ha-e-dauran ho gaya

    dil mein jab ehsas ka shoala farozan ho gaya

    nur afshan har charagh-e-bazm-e-imkan ho gaya

    tere lahraate hi ai jaan-e-tarab ruh-e-nashat

    zindagi raqsan hui aalam ghazal-KHwan ho gaya

    is tarah meri bahaar-e-zindagi ruKHsat hui

    dil ujaD kar rah gaya aaghosh viran ho gaya

    ho gai jab zaKHma-zan dard-e-mohabbat ki KHalish

    har nafas ek naghma-e-saz-e-rag-e-jaan ho gaya

    anjum-afshan ho gai jab meri chashm-e-ashk-bar

    dard ki tera fazaon mein charaghan ho gaya

    jis ke aaine mein lakhon rang the jalwa-fagan

    KHwab sa wo lamha-e-aish-e-farawan ho gaya

    main ne har but ki parastish ki kuchh is andaz se

    kufr mera laeq-e-arbab-e-iman ho gaya

    aah muztar ab wo jalwe hain na wo ranaiyan

    har nazara saya-e-umr-e-gurezan ho gaya

    Source:

    Raqs-e-bahar
    • Raqs-e-bahar
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY