mashware par na kahin dhup ke chalne lag jaen

Ehtisham Hasan

mashware par na kahin dhup ke chalne lag jaen

Ehtisham Hasan

MORE BYEhtisham Hasan

    mashvare par na kahīñ dhuup ke chalne lag jaa.eñ

    aadmī mom baneñ aur pighalne lag jaa.eñ

    jaise māhaul badal detī hai muskān tirī

    pairahan dekh ke mausam na badalne lag jaa.eñ

    is qadar buġhz diloñ meñ hai ki ma.alūm nahīñ

    log kab kis ke liye zahr ugalne lag jaa.eñ

    dekh kar raunaq-e-bāzār meñ bachchoñ sabr

    ab ye ḳhatra hai khilaune na machalne lag jaa.eñ

    ham bhī gulshan se nikal jā.eñge ḳhāmoshī se

    na.e paude to zarā phūlne phalne lag jaa.eñ

    maut hai bhuuk hai kartab hai ki kyā hai jab log

    do sutūnoñ se bañdhī taar pe chalne lag jaa.eñ

    tum batānā ki 'hasan' ḳhvāb nahīñ sach hai ye

    ham tumheñ dekh ke jab aañkh masalne lag jaa.eñ

    mashware par na kahin dhup ke chalne lag jaen

    aadmi mom banen aur pighalne lag jaen

    jaise mahaul badal deti hai muskan teri

    pairahan dekh ke mausam na badalne lag jaen

    is qadar bughz dilon mein hai ki malum nahin

    log kab kis ke liye zahr ugalne lag jaen

    dekh kar raunaq-e-bazar mein bachchon ka sabr

    ab ye KHatra hai khilaune na machalne lag jaen

    hum bhi gulshan se nikal jaenge KHamoshi se

    nae paude to zara phulne phalne lag jaen

    maut hai bhuk hai kartab hai ki kya hai jab log

    do sutunon se bandhi tar pe chalne lag jaen

    tum batana ki 'hasan' KHwab nahin sach hai ye

    hum tumhein dekh ke jab aankh masalne lag jaen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY