مت کہہ برا کسی کو جو کوئی برا بھی ہے
مت کہہ برا کسی کو جو کوئی برا بھی ہے
بندے کی ہر خطا میں خدا کی رضا بھی ہے
مت کر ملال اس کا جو تجھ کو ملا نہیں
تیرا ہے کب تلک وہ جو تجھ کو ملا بھی ہے
اس کا نہ رونا رو تو جو تجھ سے ہے چھن گیا
رہ جائے گا یہیں پہ جو باقی بچا بھی ہے
تو بھول کر نہ دینا عدو کو بھی بد دعا
تیرا ہے جو خدا وہ عدو کا خدا بھی ہے
اوروں کی تو بگاڑ کے اپنی سنوار مت
جس میں سبھی کا ہے بھلا تیرا بھلا بھی ہے
تیرا ہی گھر جلا ہو ضروری نہیں صداؔ
ہوگا بھلا اسی میں گر ایسا ہوا بھی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
