mat mehr seti hath mein le dil hamare kun

mat mehr setī haath meñ le dil hamāre kuuñ

jaltā hai kyuuñ pakaḌtā hai zālim añgāre kuuñ

chehre ko chhiḌkiyāv kiyā hai añjhū niiñ yuuñ

paanī ke dhāre kāTte haiñ juuñ karāre kuuñ

ma.aqūl kyuuñ raqīb ho minnat siiñ ḳhalq kī

kui ḳhuub kar sake hai ḳhudā ke bigāḌe kuuñ

martā huuñ lag rahī hai ramaq aa daras dikhāo

jā kar kaho hamārī taraf se piyāre kuuñ

maiñ aa paḌā huuñ ishq ke zālim bhañvar meñ aaj

aisā koī nahīñ ki lagāve kināre kuuñ

siine ko abruvāñ niiñ tire yuuñ kiyā figār

taḳhte upar chalāvte haiñ jūñki aare kuuñ

apnā jamāl 'ābrū' kuuñ Tuk dikhāo aaj

muddat se aarzū hai daras kī bichāre kuuñ

mat mehr seti hath mein le dil hamare kun

jalta hai kyun pakaDta hai zalim angare kun

chehre ko chhiDkiyaw kiya hai anjhu nin yun

pani ke dhaare kaTte hain jun karare kun

maqul kyun raqib ho minnat sin KHalq ki

kui KHub kar sake hai KHuda ke bigaDe kun

marta hun lag rahi hai ramaq aa daras dikhao

ja kar kaho hamari taraf se piyare kun

main aa paDa hun ishq ke zalim bhanwar mein aaj

aisa koi nahin ki lagawe kinare kun

sine ko abruwan nin tere yun kiya figar

taKHte upar chalawte hain junki aare kun

apna jamal 'abru' kun Tuk dikhao aaj

muddat se aarzu hai daras ki bichaare kun