mauj-e-KHun sar se guzar jati hai har raat mere

mauj-e-ḳhūñ sar se guzar jaatī hai har raat mire

phuuT kar ḳhvāboñ meñ rotā hai koī saat mire

ab na vo giit na chaupāl na panghaT na alaao

kho ga.e shahroñ ke hañgāmoñ meñ dihāt mire

zindagī bhuul ga.ī apne ġhamoñ meñ is ko

daulat dard vafā bhī na lagī haat mire

muddatoñ pahle ki jab tujh se ta.āruf bhī na thā

terī tasvīr banāte the ḳhayālāt mire

mauj-e-KHun sar se guzar jati hai har raat mere

phuT kar KHwabon mein rota hai koi sat mere

ab na wo git na chaupal na panghaT na alao

kho gae shahron ke hangamon mein dihat mere

zindagi bhul gai apne ghamon mein is ko

daulat dard wafa bhi na lagi hat mere

muddaton pahle ki jab tujh se taaruf bhi na tha

teri taswir banate the KHayalat mere