mauj-e-nashim-e-subh na josh-e-numu se tha

Raghib Muradabadi

mauj-e-nashim-e-subh na josh-e-numu se tha

Raghib Muradabadi

MORE BYRaghib Muradabadi

    mauj-e-nashīm-e-sub.h na josh-e-numū se thā

    jo phuul sruḳh-rū thā ḳhizāñ ke lahū se thā

    tere sukūt ne ise vīrān kar diyā

    dil baaġh baaġh thā to tirī guftugū se thā

    ab dil ke rahguzār meñ vo chāñdnī kahāñ

    apnā bhī rabt-o-zabt kisī māh-rū se thā

    muddat huī ki dil vo gulshan ujaḌ gayā

    shādāb jo tire nafas-e-mushkbū se thā

    ḳhvāb-o-ḳhayāl haiñ vo nashāt-āfrīniyāñ

    raqs-e-bahār dil meñ tirī aarzū se thā

    sū-e-adab kahūñ ki ise be-takallufī

    'rāġhib' bajā.e aap muḳhātib vo se thā

    mauj-e-nashim-e-subh na josh-e-numu se tha

    jo phul sruKH-ru tha KHizan ke lahu se tha

    tere sukut ne ise viran kar diya

    dil bagh bagh tha to teri guftugu se tha

    ab dil ke rahguzar mein wo chandni kahan

    apna bhi rabt-o-zabt kisi mah-ru se tha

    muddat hui ki dil ka wo gulshan ujaD gaya

    shadab jo tere nafas-e-mushkbu se tha

    KHwab-o-KHayal hain wo nashat-afriniyan

    raqs-e-bahaar dil mein teri aarzu se tha

    su-e-adab kahun ki ise be-takallufi

    'raghib' bajae aap muKHatib wo tu se tha

    Source :
    • Book : Ghazal Calendar-2015 (Pg. 23.05.2015)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY