mausam-e-barg-o-bar ki baaten
mausam-e-barg-o-bār kī bāteñ
ham na jāneñ bahār kī bāteñ
ai havā tū hī ab batā mujh ko
us galī us dayār kī bāteñ
ham se hotī nahīñ kisī sūrat
zaḳhm ke ishtihār kī bāteñ
tere muñh se 'ajīb lagtī haiñ
jaane kyoñ pyār-vyār kī bāteñ
kis ne chheḌī ki dil machal uTThā
us hasīñ yādgār kī bāteñ
ḳhvāb meñ bhī sunā.ī detī haiñ
tīra-e-rozgār kī bāteñ
lauTnā jab muhāl hai us kā
kyoñ kareñ intizār kī bāteñ
kaise bhūlūñ ki yaad aatī haiñ
'yāsir' us ġham-gusār kī bāteñ
mausam-e-barg-o-bar ki baaten
hum na jaanen bahaar ki baaten
ai hawa tu hi ab bata mujh ko
us gali us dayar ki baaten
hum se hoti nahin kisi surat
zaKHm ke ishtihaar ki baaten
tere munh se 'ajib lagti hain
jaane kyon pyar-wyar ki baaten
kis ne chheDi ki dil machal uTTha
us hasin yaadgar ki baaten
KHwab mein bhi sunai deti hain
tira-e-rozgar ki baaten
lauTna jab muhaal hai us ka
kyon karen intizar ki baaten
kaise bhulun ki yaad aati hain
'yasir' us gham-gusar ki baaten
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
