موت صرف اس لئے گوارا ہے
موت صرف اس لئے گوارا ہے
زندگی کی طرف اشارہ ہے
راحت غم نہ راس آئی مجھے
جب سے احساس غم نے مارا ہے
زندگی بھی عزیز ہے لیکن
تیرا غم زندگی سے پیارا ہے
دل کو امید نے ڈبویا تھا
ترک امید نے ابھارا ہے
زندگی کا کچھ اعتبار نہیں
زندگی صبح کا ستارا ہے
جو ٹھہر جائے ان کے جلوؤں پر
وہ نظر خود بھی اک نظارا ہے
تلخئ غم بری بلا ہے مگر
تلخئ غم مجھے گوارا ہے
وقت کی دھڑکنوں کا راز عتیقؔ
میرے شعروں سے آشکارا ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
