mayassar ho jo lamha dekhne ko

Azhar Inayati

mayassar ho jo lamha dekhne ko

Azhar Inayati

MORE BYAzhar Inayati

    mayassar ho jo lamha dekhne ko

    kitāboñ meñ hai kyā kyā dekhne ko

    hazāroñ qadd-e-ādam aa.ine haiñ

    magar tarsoge chehra dekhne ko

    abhī haiñ kuchh purānī yādgāreñ

    tum aanā shahr merā dekhne ko

    phir us ke baad thā ḳhāmosh paanī

    ki log aa.e the dariyā dekhne ko

    havā se khultā thā aksar

    mujhe bhī ik darīcha dekhne ko

    qayāmat hai sannāTā fazā meñ

    nahīñ koī parinda dekhne ko

    abhī kuchh phuul haiñ shāḳhoñ pe 'az.har'

    mujhe kāñToñ meñ uljhā dekhne ko

    mayassar ho jo lamha dekhne ko

    kitabon mein hai kya kya dekhne ko

    hazaron qadd-e-adam aaine hain

    magar tarsoge chehra dekhne ko

    abhi hain kuchh purani yaadgaren

    tum aana shahr mera dekhne ko

    phir us ke baad tha KHamosh pani

    ki log aae the dariya dekhne ko

    hawa se hi khulta tha aksar

    mujhe bhi ek daricha dekhne ko

    qayamat ka hai sannaTa faza mein

    nahin koi parinda dekhne ko

    abhi kuchh phul hain shaKHon pe 'azhar'

    mujhe kanTon mein uljha dekhne ko

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now