aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

maza visal ka kya gar firaq-e-yar na ho

Imam Bakhsh Nasikh

maza visal ka kya gar firaq-e-yar na ho

Imam Bakhsh Nasikh

MORE BYImam Bakhsh Nasikh

    maza visāl kyā gar firāq-e-yār na ho

    nahīñ hai nashe kuchh qadr agar ḳhumār na ho

    na ro.e koī āshiq ye hukm hai us

    ki sham.a bhī mirī mahfil meñ ashk-bār na ho

    jo hichkī aa.ī to ḳhush maiñ huā ki maut aa.ī

    kisī ko yaar itnā bhī intizār na ho

    zaqan hai seb to unnāb hai lab-e-shīrīñ

    nahīñ hai sarv vo ḳhush-qad jo meva-dār na ho

    vo huuñ maiñ morid-e-nafrat ki darkinār hai yaar

    pa.e fishār kabhī gor ham-kanār na ho

    na aa.e kunj-e-lahad meñ bhī mujh ko ḳhvāb-e-adam

    agar sirhāne koī ḳhisht-e-kū-e-yār na ho

    ba-rañg-e-husn-e-butāñ hai dil-e-shagufta mirā

    jo is chaman meñ ḳhizāñ ho to phir bahār na ho

    ga.ī hai kaisī zamāne se rasm-e-sar-garmī

    ajab nahīñ hai jo patthar meñ bhī sharār na ho

    na hañsne se kabhī hamrāz posh vāqif hoñ

    ba-rañg-e-ġhuncha jigar jab talak figār na ho

    tirī mizha jo tashbīh us se tark kareñ

    kisī ke tiir se koī kabhī figār na ho

    dam-e-aḳhīr to kar leñ nazāra bhar ke

    ilāhī ḳhanjar-e-saffāk āb-dār na ho

    yahī hai qulzum-e-ġham meñ mirī duā yārab

    qayām is meñ koī bhī habāb-dār na ho

    vo sub.h sīna-e-sad-chāk meñ hai dāġh-e-junūñ

    ki jis se dīda-e-ḳhurshed bhī do-chār na ho

    havas uruuj le jaa.eñ gar ye duniyā se

    kabhī buland havā se koī ġhubār na ho

    kamāl-e-sūrat-e-be-dard se tanaffur hai

    na dekheñ ham kabhī us gul ko jis meñ ḳhaar na ho

    hazāroñ gor rāteñ haiñ kāTnī 'nāsiḳh'

    abhī to roz-e-siyah meñ be-qarār na ho

    maza visal ka kya gar firaq-e-yar na ho

    nahin hai nashe ki kuchh qadr agar KHumar na ho

    na roe ta koi aashiq ye hukm hai us ka

    ki shama bhi meri mahfil mein ashk-bar na ho

    jo hichki aai to KHush main hua ki maut aai

    kisi ko yar ka itna bhi intizar na ho

    zaqan hai seb to unnab hai lab-e-shirin

    nahin hai sarw wo KHush-qad jo mewa-dar na ho

    wo hun main morid-e-nafrat ki darkinar hai yar

    pae fishaar kabhi gor ham-kanar na ho

    na aae kunj-e-lahad mein bhi mujh ko KHwab-e-adam

    agar sirhane koi KHisht-e-ku-e-yar na ho

    ba-rang-e-husn-e-butan hai dil-e-shagufta mera

    jo is chaman mein KHizan ho to phir bahaar na ho

    gai hai kaisi zamane se rasm-e-sar-garmi

    ajab nahin hai jo patthar mein bhi sharar na ho

    na hansne se kabhi hamraaz posh waqif hon

    ba-rang-e-ghuncha jigar jab talak figar na ho

    teri mizha ki jo tashbih us se tark karen

    kisi ke tir se koi kabhi figar na ho

    dam-e-aKHir to kar len nazara ji bhar ke

    ilahi KHanjar-e-saffak aab-dar na ho

    yahi hai qulzum-e-gham mein meri dua yarab

    qayam is mein koi bhi habab-dar na ho

    wo subh sina-e-sad-chaak mein hai dagh-e-junun

    ki jis se dida-e-KHurshed bhi do-chaar na ho

    hawas uruj ki le jaen gar ye duniya se

    kabhi buland hawa se koi ghubar na ho

    kamal-e-surat-e-be-dard se tanaffur hai

    na dekhen hum kabhi us gul ko jis mein KHar na ho

    hazaron gor ki raaten hain kaTni 'nasiKH'

    abhi to roz-e-siyah mein tu be-qarar na ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now