meyar-e-jehd jazba-e-isar bhi nahin

me'yār-e-jehd jazba-e-īsār bhī nahīñ

ye aap keh rahe haiñ to inkār bhī nahīñ

dekheñ kahāñ safīna-e-ahl-e-sitam ruke

ab ke to ḳhūñ-bahā ke talabgār bhī nahīñ

tash.hīr-e-kasmapursī-e-qātil hī kījiye

ab koī aur sūrat-e-iz.hār bhī nahīñ

sho'la-navā hue bhī to kab ai navā-garo

hangām-e-razm-o-'arsa-e-paikār bhī nahīñ

ab gā rahe ho naġhma-e-taqdīs-e-zindagī

jab zindagī ke jism pe ik taar bhī nahīñ

'mohsin' pe fard-e-jurm lagā.eñ to kis tarah

mā'sūm gar nahīñ hai gunahgār bhī nahīñ

me'yar-e-jehd jazba-e-isar bhi nahin

ye aap keh rahe hain to inkar bhi nahin

dekhen kahan safina-e-ahl-e-sitam ruke

ab ke to KHun-baha ke talabgar bhi nahin

tashhir-e-kasmapursi-e-qatil hi kijiye

ab koi aur surat-e-izhaar bhi nahin

sho'la-nawa hue bhi to kab ai nawa-garo

hangam-e-razm-o-'arsa-e-paikar bhi nahin

ab ga rahe ho naghma-e-taqdis-e-zindagi

jab zindagi ke jism pe ek tar bhi nahin

'mohsin' pe fard-e-jurm lagaen to kis tarah

ma'sum gar nahin hai gunahgar bhi nahin