mere hone mein kisi taur se shamil ho jao

Irfan Siddiqi

mere hone mein kisi taur se shamil ho jao

Irfan Siddiqi

MORE BYIrfan Siddiqi

    mere hone meñ kisī taur se shāmil ho jaao

    tum masīhā nahīñ hote ho to qātil ho jaao

    dasht se duur bhī kyā rañg dikhātā hai junūñ

    dekhnā hai to kisī shahr meñ dāḳhil ho jaao

    jis pe hotā nahīñ ḳhūn-e-do-ālam sābit

    baḌh ke ik din usī gardan meñ hamā.il ho jaao

    vo sitamgar tumheñ tasḳhīr kiyā chāhtā hai

    ḳhaak ban jaao aur us shaḳhs ko hāsil ho jaao

    ishq kyā kār-e-havas bhī koī āsān nahīñ

    ḳhair se pahle isī kaam ke qābil ho jaao

    abhī paikar jalā hai to ye aalam hai miyāñ

    aag ye ruuh meñ lag jaa.e to kāmil ho jaao

    maiñ huuñ mauj-e-fanā aur yahāñ koī nahīñ

    tum agar ho to zarā raah meñ haa.il ho jaao

    mere hone mein kisi taur se shamil ho jao

    tum masiha nahin hote ho to qatil ho jao

    dasht se dur bhi kya rang dikhata hai junun

    dekhna hai to kisi shahr mein daKHil ho jao

    jis pe hota hi nahin KHun-e-do-alam sabit

    baDh ke ek din usi gardan mein hamail ho jao

    wo sitamgar tumhein tasKHir kiya chahta hai

    KHak ban jao aur us shaKHs ko hasil ho jao

    ishq kya kar-e-hawas bhi koi aasan nahin

    KHair se pahle isi kaam ke qabil ho jao

    abhi paikar hi jala hai to ye aalam hai miyan

    aag ye ruh mein lag jae to kaamil ho jao

    main hun ya mauj-e-fana aur yahan koi nahin

    tum agar ho to zara rah mein hail ho jao

    RECITATIONS

    Nomaan Shauque

    Nomaan Shauque

    Nomaan Shauque

    mere hone mein kisi taur se shamil ho jao Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY