mere kandhon pe un ka chehra numud pae

mere kāñdhoñ pe un kā chehra numūd paa.e

to ain-mumkin hai merī hastī vajūd paa.e

ye apne murshid se maiñ ne sīkhā hai girya karnā

usī kī nisbat se phir haqīqī sujūd paa.e

nisār us ḳhvāb ke huī hai jo diid un kī

ki jis kī ta.abīr se laboñ ne darūd paa.e

ye hausla hī to hai hamārā vagarna kyā hai

ham ishq vaale jo is talātum meñ kuud paa.e

badan zamīñ par uge vo kuchh is tarah se 'tāriq'

ki us ke paikar meñ merī miTTī vajūd paa.e

mere kandhon pe un ka chehra numud pae

to ain-mumkin hai meri hasti wajud pae

ye apne murshid se main ne sikha hai girya karna

usi ki nisbat se phir haqiqi sujud pae

nisar us KHwab ke hui hai jo did un ki

ki jis ki tabir se labon ne darud pae

ye hausla hi to hai hamara wagarna kya hai

hum ishq wale jo is talatum mein kud pae

badan zamin par uge wo kuchh is tarah se 'tariq'

ki us ke paikar mein meri miTTi wajud pae