mere KHaton ko jalane se kuchh nahin hoga

Seema Sharma Meeruthi

mere KHaton ko jalane se kuchh nahin hoga

Seema Sharma Meeruthi

MORE BYSeema Sharma Meeruthi

    mere ḳhatoñ ko jalāne se kuchh nahīñ hogā

    havā meñ raakh uḌāne se kuchh nahīñ hogā

    samajhne vaale to dil zabāñ samajhte haiñ

    mohabbatoñ ko jatāne se kuchh nahīñ hogā

    sitam-zarīfī rahī vaqt jo dil TuuTā

    kisī pe dosh lagāne se kuchh nahīñ hogā

    na.ī uḌaan ḳhātir paroñ ko tol zarā

    qafas meñ shor machāne se kuchh nahīñ hogā

    koī to tiir nishāne pe Thiik se pahuñche

    havā meñ tiir chalāne se kuchh nahīñ hogā

    na.e guloñ ko khilāo dil-e-zamīn pe tum

    dil ye kabāb banāne se kuchh nahīñ hogā

    na.ī umiid na.e rāste talāsh karo

    hamesha marsiya gaane se kuchh nahīñ hogā

    badan se ruuh nikal bhī chukī hai ab hamdam

    fuzūl ashk bahāne se kuchh nahīñ hogā

    zabāñ se baat ka.ī sach nikal ga.ī ho gar

    bahāne laakh banāne se kuchh nahīñ hogā

    tumhāre jaane se patthar meñ Dhal chukī 'sīmā'

    tumhāre lauT ke aane se kuchh nahīñ hogā

    mere KHaton ko jalane se kuchh nahin hoga

    hawa mein rakh uDane se kuchh nahin hoga

    samajhne wale to dil ki zaban samajhte hain

    mohabbaton ko jatane se kuchh nahin hoga

    sitam-zarifi rahi waqt ki jo dil TuTa

    kisi pe dosh lagane se kuchh nahin hoga

    nai uDan ki KHatir paron ko tol zara

    qafas mein shor machane se kuchh nahin hoga

    koi to tir nishane pe Thik se pahunche

    hawa mein tir chalane se kuchh nahin hoga

    nae gulon ko khilao dil-e-zamin pe tum

    dil ye kabab banane se kuchh nahin hoga

    nai umid nae raste talash karo

    hamesha marsiya gane se kuchh nahin hoga

    badan se ruh nikal bhi chuki hai ab hamdam

    fuzul ashk bahane se kuchh nahin hoga

    zaban se baat kai sach nikal gai ho gar

    bahane lakh banane se kuchh nahin hoga

    tumhaare jaane se patthar mein Dhal chuki 'sima'

    tumhaare lauT ke aane se kuchh nahin hoga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY