mere liye wajud ka dariya sarab tha

Sahba Akhtar

mere liye wajud ka dariya sarab tha

Sahba Akhtar

MORE BYSahba Akhtar

    mere liye vajūd dariyā sarāb thā

    nākāmiyoñ ke baab meñ maiñ kāmyāb thā

    baḳhshe haiñ mujh ko phuul mohabbat aag ne

    mere liye sukūñ sabab iztirāb thā

    maiñ ne safed lafz likhe aur sach likhe

    merī sadāqatoñ bayāñ be-ḳhizāb thā

    isyāñ shumār the jo farishte vo thak ga.e

    ik fard-e-sad-gunāh se maiñ be-hisāb thā

    kyā mujh se intiḳhāb kartā hai aarzū

    maiñ to nigāh-e-sher ḳhud intiḳhāb thā

    hijr-o-visāl ḳhatm hue Thiik hai ye khel

    tujh ko bhī nāgavār mujhe bhī azaab thā

    be-dāġh kah rahā hai jo apne jamāl ko

    kal shab mirī baġhal meñ yahī āftāb thā

    merī kitāb rasm-e-jahāñ hai vagarna maiñ

    vo sāhib-e-kitāb huuñ jo be-kitāb thā

    'sahbā' mire vajūd pe har mai-kade se duur

    chhāyā thā vo surūr ki paanī sharāb thā

    mere liye wajud ka dariya sarab tha

    nakaamiyon ke bab mein main kaamyab tha

    baKHshe hain mujh ko phul mohabbat ki aag ne

    mere liye sukun ka sabab iztirab tha

    main ne safed lafz likhe aur sach likhe

    meri sadaqaton ka bayan be-KHizab tha

    isyan shumar the jo farishte wo thak gae

    ek fard-e-sad-gunah se main be-hisab tha

    kya mujh se intiKHab ki karta hai aarzu

    main to nigah-e-sher ka KHud intiKHab tha

    hijr-o-visal KHatm hue Thik hai ye khel

    tujh ko bhi nagawar mujhe bhi azab tha

    be-dagh kah raha hai jo apne jamal ko

    kal shab meri baghal mein yahi aaftab tha

    meri kitab rasm-e-jahan hai wagarna main

    wo sahib-e-kitab hun jo be-kitab tha

    'sahba' mere wajud pe har mai-kade se dur

    chhaya tha wo surur ki pani sharab tha

    Source:

    • Book : Sarkashidah (Pg. 246)
    • Author : Sahba Akhtar
    • Publication : Maktaba-e-Nadeem ke airia ko rangi Karachi (1977)
    • Edition : 1977
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY