mere pyar ka qissa to har basti mein mashhur hai chand

Shabnam Rumani

mere pyar ka qissa to har basti mein mashhur hai chand

Shabnam Rumani

MORE BY Shabnam Rumani

    mere pyaar qissa to har bastī meñ mash.hūr hai chāñd

    kis dhun meñ ġhaltāñ pechāñ kis nashshe meñ chuur hai chāñd

    terī ḳhanda-peshānī meñ kab tak farq na aa.egā

    sadiyoñ se ahl-e-zamīñ ḳhidmat par māmūr hai chāñd

    ahl-e-nazar hañs hañs kar tujh ko māh-e-kāmil kahte haiñ!

    tere dil daaġh tujhī par tanz hai aur bharpūr hai chāñd

    tere ruḳh par zardī chhā.ī maiñ ab tak māyūs nahīñ

    terī manzil paas aa pahuñchī merī manzil duur hai chāñd

    koī nahīñ hamrāz-e-tamannā koī nahīñ dam-sāz-e-safar

    rāh-e-vafā meñ tanhā tanhā chalne par majbūr hai chāñd

    ishq hai aur kāñToñ bistar husn hai aur phūloñ sej

    tujh ko kaise samjhā.ūñ ye duniyā dastūr hai chāñd

    terī tābish se raushan haiñ gul bhī aur vīrāne bhī

    kyā bhī is hañstī-gātī duniyā mazdūr hai chāñd

    mere pyar ka qissa to har basti mein mashhur hai chand

    tu kis dhun mein ghaltan pechan kis nashshe mein chur hai chand

    teri KHanda-peshani mein kab tak farq na aaega

    tu sadiyon se ahl-e-zamin ki KHidmat par mamur hai chand

    ahl-e-nazar hans hans kar tujh ko mah-e-kaamil kahte hain!

    tere dil ka dagh tujhi par tanz hai aur bharpur hai chand

    tere ruKH par zardi chhai main ab tak mayus nahin

    teri manzil pas aa pahunchi meri manzil dur hai chand

    koi nahin hamraaz-e-tamanna koi nahin dam-saz-e-safar

    rah-e-wafa mein tanha tanha chalne par majbur hai chand

    ishq hai aur kanTon ka bistar husn hai aur phulon ki sej

    tujh ko kaise samjhaun ye duniya ka dastur hai chand

    teri tabish se raushan hain gul bhi aur virane bhi

    kya tu bhi is hansti-gati duniya ka mazdur hai chand

    Source:

    • Book : Mujalla Dastavez (Pg. 402)
    • Author : Aziz Nabeel
    • Publication : Edarah Dastavez (2010)
    • Edition : 2010

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY