meri izzat baDh gai ek pan mein

merī izzat baḌh ga.ī ik paan meñ

farq kyā aayā tumhārī shaan meñ

un ko dekhā to kahā yuuñ kaan meñ

kyuuñ ḳhalal Daalā mire īmān meñ

āshiqī hai bahar-e-nāpaidā-kanār

kashti-e-dil aa ga.ī tūfān meñ

hai yahī pahchān baalī umr kī

bāliyāñ vo do faqat haiñ kaan meñ

tere sadqe ke liye hāzir haiñ sab

dur samundar meñ javāhar kaan meñ

de ke dil us but ko apnā kar liyā

is tijārat meñ nahīñ nuqsān meñ

kyā mai-e-gul-gūñ se raunaq ghaT ga.ī

rañg balki aa gayā īmān meñ

us but-e-kāfir ko sajda kar liyā

is se kyā aayā ḳhalal īmān meñ

tum parī kā faḳhr ho hūroñ kā naaz

kaash hote firqa-e-insān meñ

us ke ruḳhsāroñ pe hai ḳhat kī numūd

hāshiya ye hai nayā qur.ān meñ

gesu-e-pechāñ tire ruḳhsār par

sūra-e-vallail hai qur.ān meñ

āriz-e-tābāñ pe hai ḳhat kī numūd

habshiyoñ kī fauj yā īrān meñ

kah do pesh aayā kare achchhī tarah

chal na jaa.e mujh meñ aur darbān meñ

vo kareñ zulm aur tum lab par na laao

varna gustāḳhī hai un kī shaan meñ

sunte sunte vā.izoñ se hajv-e-mai

zo.af sā kuchh aa gayā īmān meñ

yuuñ kahūñgā vuuñ kahūñgā thā ḳhayāl

rū-ba-rū kuchh bhī na aayā dhyān meñ

us kī qudrat se nahīñ 'parvīñ' ba.iid

raa.ī ko parbat banā de aan meñ

meri izzat baDh gai ek pan mein

farq kya aaya tumhaari shan mein

un ko dekha to kaha yun kan mein

kyun KHalal Dala mere iman mein

aashiqi hai bahar-e-napaida-kanar

kashti-e-dil aa gai tufan mein

hai yahi pahchan baali umr ki

baaliyan wo do faqat hain kan mein

tere sadqe ke liye hazir hain sab

dur samundar mein jawahar kan mein

de ke dil us but ko apna kar liya

is tijarat mein nahin nuqsan mein

kya mai-e-gul-gun se raunaq ghaT gai

rang balki aa gaya iman mein

us but-e-kafir ko sajda kar liya

is se kya aaya KHalal iman mein

tum pari ka faKHr ho huron ka naz

kash hote firqa-e-insan mein

us ke ruKHsaron pe hai KHat ki numud

hashiya ye hai naya quran mein

gesu-e-pechan tere ruKHsar par

sura-e-wallail hai quran mein

aariz-e-taban pe hai KHat ki numud

habshiyon ki fauj ya iran mein

kah do pesh aaya kare achchhi tarah

chal na jae mujh mein aur darban mein

wo karen zulm aur tum lab par na lao

warna gustaKHi hai un ki shan mein

sunte sunte waizon se hajw-e-mai

zoaf sa kuchh aa gaya iman mein

yun kahunga wun kahunga tha KHayal

ru-ba-ru kuchh bhi na aaya dhyan mein

us ki qudrat se nahin 'parwin' baid

rai ko parbat bana de aan mein