meri jaanib se wahi bol paDa hai shayad
meri jaanib se wahi bol paDa hai shayad
Dheerendra Singh Faiyaz
MORE BYDheerendra Singh Faiyaz
merī jānib se vahī bol paḌā hai shāyad
andarūñ mere koī mere sivā hai shāyad
kal kī shab kaise guzārūñgā falak par jānāñ
chāñd kā āḳhirī TukḌā hī bachā hai shāyad
dil kī dahlīz ke is paar hai duniyā saarī
dil kī dahlīz ke us paar ḳhudā hai shāyad
ek muddat se kahīñ aur nahīñ lagtā hai
dil kā bhī dil se hī dil lagne lagā hai shāyad
hal kisī aur hī mushkil ke sujhātā huuñ ise
dil kisī aur hī mushkil meñ phañsā hai shāyad
mujh ko bhī Dar sā lagā rahtā hai bah jaane kā
dariyā bhī pul ke barābar se chaḌhā hai shāyad
kisī sūrat ye kabhī mujh se bichhaḌtā hī nahīñ
jism merā mire saa.e se judā hai shāyad
meri jaanib se wahi bol paDa hai shayad
andarun mere koi mere siwa hai shayad
kal ki shab kaise guzarunga falak par jaanan
chand ka aaKHiri TukDa hi bacha hai shayad
dil ki dahliz ke is par hai duniya sari
dil ki dahliz ke us par KHuda hai shayad
ek muddat se kahin aur nahin lagta hai
dil ka bhi dil se hi dil lagne laga hai shayad
hal kisi aur hi mushkil ke sujhata hun ise
dil kisi aur hi mushkil mein phansa hai shayad
mujh ko bhi Dar sa laga rahta hai bah jaane ka
dariya bhi pul ke barabar se chaDha hai shayad
kisi surat ye kabhi mujh se bichhaDta hi nahin
jism mera mere sae se juda hai shayad
- Book : Khaamushi Raasta Nikaalegi
- Author : Dheerendra Singh Faiyaz
- Publication : Rekhta Publications (2023)
- Edition : 3rd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
