meri miTTi mein jab na tha patthar

merī miTTī meñ jab na thā patthar

kaise kah duuñ ki hai ḳhudā patthar

sho.ala-e-ishq kā asar tauba

mom jaisā pighal gayā patthar

jab bhī bazm-e-ḳhirad meñ aayā maiñ

aql par merī paḌ gayā patthar

gul bichhā.ūñ maiñ tere qadmoñ meñ

merī rāhoñ meñ tū bichhā patthar

rāh-e-haq meñ yaqīn thā ham par

sirf barseñge iiñT yā patthar

lad gayā jab shajar phaloñ se koī

us pe sab ne uThā diyā patthar

log toḌeñge baar baar use

shīsha-e-dil ko tū banā patthar

narm rassī se ghis na jaa.e jo

mujh ko aisā nahīñ milā patthar

dostoñ ke hadaf pe hai 'āzam'

ab vo barsā.eñ phuul yā patthar

meri miTTi mein jab na tha patthar

kaise kah dun ki hai KHuda patthar

shoala-e-ishq ka asar tauba

mom jaisa pighal gaya patthar

jab bhi bazm-e-KHirad mein aaya main

aql par meri paD gaya patthar

gul bichhaun main tere qadmon mein

meri rahon mein tu bichha patthar

rah-e-haq mein yaqin tha hum par

sirf barsenge inT ya patthar

lad gaya jab shajar phalon se koi

us pe sab ne uTha diya patthar

log toDenge bar bar use

shisha-e-dil ko tu bana patthar

narm rassi se ghis na jae jo

mujh ko aisa nahin mila patthar

doston ke hadaf pe hai 'azam'

ab wo barsaen phul ya patthar