مل چکے ہیں گلاب سے پہلے
مل چکے ہیں گلاب سے پہلے
آپ کے انتخاب سے پہلے
ہم ترا اعتبار کر لیں گے
مطمئن ہوں جواب سے پہلے
منتظر نیند کہہ رہی ہے یہ
دور ہوں اضطراب سے پہلے
پیار کا بھی سبق ضروری ہے
علم کی ہر کتاب سے پہلے
تھام لیں ہاتھ دفعتاً ان کا
پوچھنا کیا جناب سے پہلے
آپ میں بھی نشہ کہاں کم ہے
کاش آتے شراب سے پہلے
تب کہیں وہ جھلک دکھائے گا
پاک ہو لیں ثواب سے پہلے
جاوداں کون ہے زمانہ میں
پوچھ لیں یہ حباب سے پہلے
اے خدا بخش دے ہمیں جنت
دشت صحرا سراب سے پہلے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.