mil gae par hijab baqi hai

mil ga.e par hijāb baaqī hai

fikr-e-nāz-o-itāb baaqī hai

baat sab Thīk-Thāk hai pa abhī

kuchh savāl-o-javāb baaqī hai

garche ma.ajūn khā chuke lekin

daur-e-jām-e-sharāb baaqī hai

jhūTe va.ade se un ke yaañ ab tak

shikva-e-be-hisāb baaqī hai

gaah kahte haiñ shaam huuī abhī

zarra-e-āftāb baaqī hai

phir kabhī ye ki abr meñ kuchh-kuchh

partav-e-māhtāb baaqī hai

hai kabhī ye ki tujh pe chhiḌkeñge

jo lagan meñ shahāb baaqī hai

aur bhaḌke hai ishtiyāq kī aag

ab kise sabr-o-tāb baaqī hai

uḌ ga.ī niiñd aañkh se kis kī

lazzat-e-ḳhurd-o-ḳhvāb baaqī hai

hai ḳhushī sab tarah kii, nāhaq kā

ḳhatra-e-inqalāb baaqī hai

hai vo dil kī dhaḌak so juuñ kī tuuñ

jī par us kā azaab baaqī hai

jo bharā shīsha thā huā ḳhālī

par vo bū-e-gulāb baaqī hai

apnī ummīd thī so bar aa.ī

yaas shakl-e-sarāb baaqī hai

hai yahī Dol jab tak āñkhoñ meñ

dam basān-e-habāb baaqī hai

misl-e-farmūda-e-huzūr 'inshā'

phir vahī iztirāb baaqī hai

mil gae par hijab baqi hai

fikr-e-naz-o-itab baqi hai

baat sab Thik-Thak hai pa abhi

kuchh sawal-o-jawab baqi hai

garche majun kha chuke lekin

daur-e-jam-e-sharab baqi hai

jhuTe wade se un ke yan ab tak

shikwa-e-be-hisab baqi hai

gah kahte hain sham hui abhi

zarra-e-aftab baqi hai

phir kabhi ye ki abr mein kuchh-kuchh

partaw-e-mahtab baqi hai

hai kabhi ye ki tujh pe chhiDkenge

jo lagan mein shahab baqi hai

aur bhaDke hai ishtiyaq ki aag

ab kise sabr-o-tab baqi hai

uD gai nind aankh se kis ki

lazzat-e-KHurd-o-KHwab baqi hai

hai KHushi sab tarah ki, nahaq ka

KHatra-e-inqalab baqi hai

hai wo dil ki dhaDak so jun ki tun

ji par us ka azab baqi hai

jo bhara shisha tha hua KHali

par wo bu-e-gulab baqi hai

apni ummid thi so bar aai

yas shakl-e-sarab baqi hai

hai yahi Dol jab tak aankhon mein

dam basan-e-habab baqi hai

misl-e-farmuda-e-huzur 'insha'

phir wahi iztirab baqi hai