mil jae mere dil ko sakinat mere shaha

mil jaa.e mire dil ko sakīnat mire shāhā

ho is ko 'atā terī mavaddat mire shāhā

ashkoñ se vuzū ho tire dīdār se pahle

maqbūl ho āñkhoñ kī 'ibādat mire shāhā

thoḌī sī zamīñ mujh ko shah-e-‘ishq 'atā ho

bas ḳhaak kī masnad mujhe 'izzat mire shāhā

ho jaa.eñ 'atā sajde mire 'ijz-e-jabīñ ko

sajdoñ ko 'atā ho mire rif'at mire shāhā

ye jalva-numā.ī tirī qaa.em rahe daa.im

ho aur fuzūñ chashm kī hairat mire shāhā

kar bā’is-e-e’zāz mire raqs-e-junūñ ko

kar ḳhaak ke malbūs ko ḳhil'at mire shāhā

mil jaa.e mire harf ko tāsīr-e-rasā.ī

ho jaa.e samar-bār riyāzat mire shāhā

rakh dard kī daulat se tū māmūr mirā dil

ho dil kī ye riqqat mujhe ne'mat mire shāhā

mil jae mere dil ko sakinat mere shaha

ho is ko 'ata teri mawaddat mere shaha

ashkon se wuzu ho tere didar se pahle

maqbul ho aankhon ki 'ibaadat mere shaha

thoDi si zamin mujh ko shah-e-‘ishq 'ata ho

bas KHak ki masnad mujhe 'izzat mere shaha

ho jaen 'ata sajde mere 'ijz-e-jabin ko

sajdon ko 'ata ho mere rif'at mere shaha

ye jalwa-numai teri qaem rahe daim

ho aur fuzun chashm ki hairat mere shaha

kar ba’is-e-e’zaz mere raqs-e-junun ko

kar KHak ke malbus ko KHil'at mere shaha

mil jae mere harf ko tasir-e-rasai

ho jae samar-bar riyazat mere shaha

rakh dard ki daulat se tu mamur mera dil

ho dil ki ye riqqat mujhe ne'mat mere shaha