مل کے بھی سب سے الگ چہروں کے اس سیلاب میں

مل کے بھی سب سے الگ چہروں کے اس سیلاب میں

تیل کا قطرہ ہے گویا اک بھرے تالاب میں

میں جو آیا گفتگو خاموش خفت بن گئی

ذکر میرا ہی تھا شاید محفل احباب میں

ساحل لب تک صدا المدد کا شور ہے

ایک کشتی پھنس گئی ہے خون کے گرداب میں

دشت سے دامن بچا لاتا اگر یہ جانتا

بارش گل بھی ہے شامل شہر کے آداب میں

دو گھڑی کی نیند اپنے واسطے ممکن نہیں

کس کے کس کے خواب آ ملتے ہیں اپنے خواب میں

یوں الٹتا جاتا ہوں میں زیست کے صفحے ظہیرؔ

فہم و دانش گم ہے لیکن اولیں ابواب میں