ملاتے ہو اسی کو خاک میں جو دل سے ملتا ہے

داغؔ دہلوی

ملاتے ہو اسی کو خاک میں جو دل سے ملتا ہے

داغؔ دہلوی

MORE BYداغؔ دہلوی

    ملاتے ہو اسی کو خاک میں جو دل سے ملتا ہے

    مری جاں چاہنے والا بڑی مشکل سے ملتا ہے

    کہیں ہے عید کی شادی کہیں ماتم ہے مقتل میں

    کوئی قاتل سے ملتا ہے کوئی بسمل سے ملتا ہے

    پس پردہ بھی لیلیٰ ہاتھ رکھ لیتی ہے آنکھوں پر

    غبار ناتوان قیس جب محمل سے ملتا ہے

    بھرے ہیں تجھ میں وہ لاکھوں ہنر اے مجمع خوبی

    ملاقاتی ترا گویا بھری محفل سے ملتا ہے

    مجھے آتا ہے کیا کیا رشک وقت ذبح اس سے بھی

    گلا جس دم لپٹ کر خنجر قاتل سے ملتا ہے

    بظاہر با ادب یوں حضرت ناصح سے ملتا ہوں

    مرید خاص جیسے مرشد کامل سے ملتا ہے

    مثال گنج قاروں اہل حاجت سے نہیں چھپتا

    جو ہوتا ہے سخی خود ڈھونڈ کر سائل سے ملتا ہے

    جواب اس بات کا اس شوخ کو کیا دے سکے کوئی

    جو دل لے کر کہے کم بخت تو کس دل سے ملتا ہے

    چھپائے سے کوئی چھپتی ہے اپنے دل کی بیتابی

    کہ ہر تار نفس اپنا رگ بسمل سے ملتا ہے

    عدم کی جو حقیقت ہے وہ پوچھو اہل ہستی سے

    مسافر کو تو منزل کا پتا منزل سے ملتا ہے

    غضب ہے داغؔ کے دل سے تمہارا دل نہیں ملتا

    تمہارا چاند سا چہرہ مہ کامل سے ملتا ہے

    RECITATIONS

    نعمان شوق

    نعمان شوق,

    فصیح اکمل

    فصیح اکمل,

    نعمان شوق

    ملاتے ہو اسی کو خاک میں جو دل سے ملتا ہے نعمان شوق

    فصیح اکمل

    ملاتے ہو اسی کو خاک میں جو دل سے ملتا ہے فصیح اکمل

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY