mili nigah hamein teri justuju ke liye
milī nigāh hameñ terī justujū ke liye
to dil bhī vaqf hai terī hī aarzū ke liye
badal dī fitrat-e-dil hī nigāh-e-sāqī ne
jo mai-kade se uThe ham chale vuzū ke liye
hameñ bahut hai kisī kī nazar kā paimāna
vo ham nahīñ jo machalte raheñ subū ke liye
vahī hai rang-o-bū-e-gulsitāñ magar tujh bin
mirī nigāh tarastī hai rang-o-bū ke liye
qadam qadam pe na.ī manziloñ ko Thukrāte
chale haiñ ahl-e-junūñ kis kī justujū ke liye
rafū-garī to bahut kī ga.ī magar 'mahvī'
diloñ ke chaak na the baḳhiya-o-rafū ke liye
mili nigah hamein teri justuju ke liye
to dil bhi waqf hai teri hi aarzu ke liye
badal di fitrat-e-dil hi nigah-e-saqi ne
jo mai-kade se uThe hum chale wuzu ke liye
hamein bahut hai kisi ki nazar ka paimana
wo hum nahin jo machalte rahen subu ke liye
wahi hai rang-o-bu-e-gulsitan magar tujh bin
meri nigah tarasti hai rang-o-bu ke liye
qadam qadam pe nai manzilon ko Thukraate
chale hain ahl-e-junun kis ki justuju ke liye
rafu-gari to bahut ki gai magar 'mahwi'
dilon ke chaak na the baKHiya-o-rafu ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.