aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

milta nahin kisi ko tu o KHanuman-KHarab

Alamgir Khan Kaif

milta nahin kisi ko tu o KHanuman-KHarab

Alamgir Khan Kaif

MORE BYAlamgir Khan Kaif

    miltā nahīñ kisī ko o ḳhānumāñ-ḳharāb

    phirtā hai justujū meñ tirī ik jahāñ ḳharāb

    kyūñkar na dil siyāh kare ishq-e-zulf-e-yār

    hotā hai rafta rafta dhueñ se makāñ ḳharāb

    dām-o-qafas meñ ke phañsā huuñ maiñ peshtar

    sau baar ho chukā hai mirā āshiyāñ ḳharāb

    ḳhud-rafta kar diyā hai ye josh-e-bahār ne

    phirte haiñ bū-e-gul tarah bāġhbāñ ḳharāb

    bose ke chaaT par na ziyāda lagā.iye

    karte haiñ aap kis liye merī zabāñ ḳharāb

    le chal juuñ ḳhudā ke liye aur samt ko

    nāqis yahāñ zamīñ hai yahāñ āsmāñ ḳharāb

    vahshat meñ khel hai mujhe zanjīr toḌnā

    haddād se kaho na kare beḌiyāñ ḳharāb

    maiñ bosa māñgtā huuñ vo dete haiñ gāliyāñ

    yaañ bhī zabāñ ḳharāb hai vaañ bhī zabāñ ḳharāb

    hirs-o-havā se hai dil-e-ġham-gīñ bharā huā

    le jā.ūñ pesh-e-yār maiñ kyā armuġhāñ ḳharāb

    dushnām agar yuñhī mujhe degā to rāt-din

    bigḌegā kyā mirā tirī ho ke zabāñ ḳharāb

    miltā hai kab vo yūsuf-e-gum-gashta dekhiye

    phirtā huuñ misl-e-gard rah-e-kārvāñ ḳharāb

    dariyā ke aage asl nahīñ musht-e-ḳhāk

    kyā ho ġhubār-e-jism se rūh-e-ravāñ ḳharāb

    niklegā ḳhat zarūr tirī rū-e-sāf par

    ik din bahār-e-bāġh karegā ḳhizāñ ḳharāb

    ghabrā ke kah na yaar se ai dil ġham-e-firāq

    qisse lutf kyā hai agar ho bayāñ ḳharāb

    ai 'kaif' us ke vāste aalam tabāh hai

    yūsuf justujū meñ hai ye kārvāñ ḳharāb

    milta nahin kisi ko tu o KHanuman-KHarab

    phirta hai justuju mein teri ek jahan KHarab

    kyunkar na dil siyah kare ishq-e-zulf-e-yar

    hota hai rafta rafta dhuen se makan KHarab

    dam-o-qafas mein ja ke phansa hun main peshtar

    sau bar ho chuka hai mera aashiyan KHarab

    KHud-rafta kar diya hai ye josh-e-bahaar ne

    phirte hain bu-e-gul ki tarah baghban KHarab

    bose ke chaT par na ziyaada lagaiye

    karte hain aap kis liye meri zaban KHarab

    le chal jun KHuda ke liye aur samt ko

    naqis yahan zamin hai yahan aasman KHarab

    wahshat mein khel hai mujhe zanjir toDna

    haddad se kaho na kare beDiyan KHarab

    main bosa mangta hun wo dete hain galiyan

    yan bhi zaban KHarab hai wan bhi zaban KHarab

    hirs-o-hawa se hai dil-e-gham-gin bhara hua

    le jaun pesh-e-yar main kya armughan KHarab

    dushnam agar yunhi mujhe dega to raat-din

    bigDega kya mera teri ho ke zaban KHarab

    milta hai kab wo yusuf-e-gum-gashta dekhiye

    phirta hun misl-e-gard rah-e-karwan KHarab

    dariya ke aage asl nahin musht-e-KHak ki

    kya ho ghubar-e-jism se ruh-e-rawan KHarab

    niklega KHat zarur teri ru-e-saf par

    ek din bahaar-e-bagh karega KHizan KHarab

    ghabra ke kah na yar se ai dil gham-e-firaq

    qisse ka lutf kya hai agar ho bayan KHarab

    ai 'kaif' us ke waste aalam tabah hai

    yusuf ki justuju mein hai ye karwan KHarab

    Source:

    Aaina-e-Nazireen (Pg. 50)

    • Author: Alamgir Khan Kaif
      • Publisher: Matba Mustafai, Kanpur
      • Year of Publication: 1875
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now