milte nahin ho humse ye kya hua watira

Pandit Jawahar Nath Saqi

milte nahin ho humse ye kya hua watira

Pandit Jawahar Nath Saqi

MORE BYPandit Jawahar Nath Saqi

    milte nahīñ ho ham se ye kyā huā vatīrā

    milne lagā hai shāyad ab tum se koī ḳhīrā

    āñkhoñ meñ uḌāyā naqd-e-dil-o-jigar ko

    vo shoḳh dil-rubā hai kaisā aThā.ī-gīrā

    ulfat jurm be-shak sarzad huā hai ham se

    is ko saġhīra samjho chāhe ise kabīrā

    maidān-e-hashr terā kūcha banā hai qātil

    jaatā hai ab jo koī aatā hai qash.arīrā

    girvīda kar liyā hai naira.gī-e-nazar ne

    kaisī huī fusūñ-gar vo shoḳh chashm-e-gīrā

    us shoḳh dil-rubā par kyūñkar na hoñ fidā ham

    saj-dhaj huī nirālī bāñdhā jo us ne chīrā

    minnat-pazīr us ke āḳhir ko ho ga.e ham

    jo mudda.ā thā apnā us ne kiyā pazīrā

    shāġhil jo ho ga.e haiñ mahmūd āqibat haiñ

    sultāna shaġhl-e-shab hai din huā nasīrā

    the shefta jo 'sāqī' ik mast-e-nosh lab ke

    maiḳhāne ke andar apnā banā ḳhatīrā

    milte nahin ho hum se ye kya hua watira

    milne laga hai shayad ab tum se koi KHira

    aankhon hi mein uDaya naqd-e-dil-o-jigar ko

    wo shoKH dil-ruba hai kaisa aThai-gira

    ulfat ka jurm be-shak sarzad hua hai hum se

    is ko saghira samjho chahe ise kabira

    maidan-e-hashr tera kucha bana hai qatil

    jata hai ab jo koi aata hai qasharira

    girwida kar liya hai nairagi-e-nazar ne

    kaisi hui fusun-gar wo shoKH chashm-e-gira

    us shoKH dil-ruba par kyunkar na hon fida hum

    saj-dhaj hui nirali bandha jo us ne chira

    minnat-pazir us ke aaKHir ko ho gae hum

    jo muddaa tha apna us ne kiya pazira

    shaghil jo ho gae hain mahmud aaqibat hain

    sultana shaghl-e-shab hai din ka hua nasira

    the shefta jo 'saqi' ek mast-e-nosh lab ke

    maiKHane hi ke andar apna bana KHatira

    Source :
    • Book : Kulliyat-e-Saaqi (Pg. e-29 p-26)
    • Author : Pandit Jawahar Nath Saqi
    • Publication : Pandit Jawahar Nath Saqi (1926)
    • Edition : 1926
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY