mera baatin mujhe har pal nai duniya dikhata hai
mirā bātin mujhe har pal na.ī duniyā dikhātā hai
kisī nādīda manzil kā koī rastā dikhātā hai
ḳhudā bhī zindagī detā hai bas ik raat kī ham ko
isī ik raat meñ lekin ḳhudā kyā kyā dikhātā hai
zarā tum des ke is rahnumā ke kaam to dekho
shajar ko kāTtā hai ḳhvāb saa.e kā dikhātā hai
bahut sī ḳhūbiyāñ haiñ aa.ine meñ māntā huuñ maiñ
magar ik aib hai kam-baḳht meñ chehrā dikhātā hai
is āshob-e-zamāna ke liye maiñ kyā kahūñ 'taimūr'
ki har bikhrā huā ḳhud ko yahāñ simTā dikhātā hai
mera baatin mujhe har pal nai duniya dikhata hai
kisi nadida manzil ka koi rasta dikhata hai
KHuda bhi zindagi deta hai bas ek raat ki hum ko
isi ek raat mein lekin KHuda kya kya dikhata hai
zara tum des ke is rahnuma ke kaam to dekho
shajar ko kaTta hai KHwab sae ka dikhata hai
bahut si KHubiyan hain aaine mein manta hun main
magar ek aib hai kam-baKHt mein chehra dikhata hai
is aashob-e-zamana ke liye main kya kahun 'taimur'
ki har bikhra hua KHud ko yahan simTa dikhata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
