aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mera dil dad-KHwah-e-zulm aslan ho nahin sakta

Saqib Lakhnavi

mera dil dad-KHwah-e-zulm aslan ho nahin sakta

Saqib Lakhnavi

MORE BYSaqib Lakhnavi

    mirā dil dād-ḳhvāh-e-zulm aslan ho nahīñ saktā

    muravvat muñh ko detī hai shikvā ho nahīñ saktā

    chhupāo aap ko jis rañg jis bhes meñ chāho

    magar chashm-e-haqīqat-bīñ se pardā ho nahīñ saktā

    tamāshā-gāh-e-hairat hai dayār-e-dil vīrānī

    ye sannāTā miyān-e-dasht-o-sahrā ho nahīñ saktā

    baḌhā ek aur ġham ifshā-e-rāz-e-ishq se varna

    na maiñ khultā na vo kahte ki aisā ho nahīñ saktā

    mire zulmat-kade meñ roz-e-raushan guzar kaisā

    salāmat hai shab-e-ġham to ujālā ho nahīñ saktā

    dam-e-ahd-o-vafā Thahrā na un ke sāmne koī

    sivā mere to maiñ kis dil se kahtā ho nahīñ saktā

    kabhī kaj-tab.a ko dekhā na sīdhī raah par aate

    jo hai dar-asl bad-bātin vo achchhā ho nahīñ saktā

    na hoñ sañg-e-dar-e-mai-ḳhāna ahl-e-zohd ai 'sāqib'

    ki maiñ pāband-e-rasm-o-rāh-e-taqvā ho nahīñ saktā

    mera dil dad-KHwah-e-zulm aslan ho nahin sakta

    murawwat munh ko si deti hai shikwa ho nahin sakta

    chhupao aap ko jis rang ya jis bhes mein chaho

    magar chashm-e-haqiqat-bin se parda ho nahin sakta

    tamasha-gah-e-hairat hai dayar-e-dil ki virani

    ye sannaTa miyan-e-dasht-o-sahra ho nahin sakta

    baDha ek aur gham ifsha-e-raaz-e-ishq se warna

    na main khulta na wo kahte ki aisa ho nahin sakta

    mere zulmat-kade mein roz-e-raushan ka guzar kaisa

    salamat hai shab-e-gham to ujala ho nahin sakta

    dam-e-ahd-o-wafa Thahra na un ke samne koi

    siwa mere to main kis dil se kahta ho nahin sakta

    kabhi kaj-taba ko dekha na sidhi rah par aate

    jo hai dar-asl bad-baatin wo achchha ho nahin sakta

    na hon sang-e-dar-e-mai-KHana ahl-e-zohd ai 'saqib'

    ki main paband-e-rasm-o-rah-e-taqwa ho nahin sakta

    Source:

    Deewan-e-Saqib (Pg. 193)

    • Author: Mirza Zakir Husain Qazlibaas Saqib Lucknowvi
      • Edition: 1998
      • Publisher: Urdu Acadami U.P.
      • Year of Publication: 1998
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now