مرے دل سے دل کو ملا کر تو دیکھو
مرے دل سے دل کو ملا کر تو دیکھو
محبت کی دنیا بسا کر تو دیکھو
در آستاں پر کھڑا ہوں میں کب سے
ذرا رخ سے پردہ ہٹا کر تو دیکھو
ابھی تک تو مجھ سے رہے ہو خفا تم
مگر اب ذرا مسکرا کر تو دیکھو
بجھاؤ گے جتنے وہ بھڑکیں گے اتنے
محبت کے شعلے بجھا کر تو دیکھو
یہ باد مخالف نہ گل کر سکے گی
چراغ محبت جلا کر تو دیکھو
کٹے گا سفر یہ سلامت روی سے
مجھے راہبر تم بنا کر تو دیکھو
کرامت تو اپنی دکھاؤ ذرا تم
مجھے اپنا جیسا بنا کر تو دیکھو
سنیں گے یقیناً وہ افسانۂ غم
عزیزؔ ان کو دل سے سنا کر تو دیکھو
کبھی دل سے اپنا سمجھ کر ذرا تم
عزیزؔ اپنا مجھ کو بنا کر تو دیکھو
مأخذ:
کاروان غزل (Pg. 112)
- مصنف: عزیز مراد آبادی
-
- ناشر: نیشنل سوشل آرگنائزیشن، مرادآباد
- سن اشاعت: 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
