mere hath mein ishq ka saz de kar

mire haath meñ ishq kā saaz de kar

tumhīñ chhup ga.e ek āvāz de kar

ye kyoñ kar diyā pattharoñ ke havāle

mujhe fitrat-e-ā.ina-sāz de kar

ye kis ne uThā kar qalam rakh diyā hai

kahānī ko ik harf-e-āġhāz de kar

havā meñ bhaTakte phireñ ab parinde

zamīñ haT ga.ī zo'm-e-parvāz de kar

safar par nikalnā hai jis ko vo jaage

Thahartā nahīñ vaqt āvāz de kar

ġhazal saada kāġhaz pe aañsū likhegī

chalā jā.ūñgā apnā andāz de kar

na jaane kahāñ uḌ ga.ī umr 'qaisar'

khaḌā huuñ bayābāñ meñ āvāz de kar

mere hath mein ishq ka saz de kar

tumhin chhup gae ek aawaz de kar

ye kyon kar diya pattharon ke hawale

mujhe fitrat-e-aina-saz de kar

ye kis ne uTha kar qalam rakh diya hai

kahani ko ek harf-e-aghaz de kar

hawa mein bhaTakte phiren ab parinde

zamin haT gai zo'm-e-parwaz de kar

safar par nikalna hai jis ko wo jage

Thaharta nahin waqt aawaz de kar

ghazal sada kaghaz pe aansu likhegi

chala jaunga apna andaz de kar

na jaane kahan uD gai umr 'qaisar'

khaDa hun bayaban mein aawaz de kar