mere jaisi tumhein milni nahin hai

mire jaisī tumheñ milnī nahīñ hai

magar koī zabardastī nahīñ hai

ye dil hai aap kā office nahīñ jī

yahāñ par aap kī chaltī nahīñ hai

maiñ jachtī huuñ use har zāviye se

vo merā hai to bas yūñhī nahīñ hai

vo ḳhushbū muḳhtalif hai ḳhushbuoñ se

vo sab meñ rah ke sab jaisī nahīñ hai

havā.ī firing meñ zaa.e.a kar deñ

zarūrat hai to ik golī nahīñ hai

tire ḳhvāboñ meñ aane vaalī laḌkī

kisī kī bātoñ meñ aatī nahīñ hai

koī pūchhe mirā to us se kahnā

sarāsar pyaar hai pyārī nahīñ hai

jise thī aarzū phir jī uThūñ maiñ

use ab mujh meñ dilchaspī nahīñ hai

nahīñ rotī tumhārā naam le kar

vo laḌkī ab vahī laḌkī nahīñ hai

mere jaisi tumhein milni nahin hai

magar koi zabardasti nahin hai

ye dil hai aap ka office nahin ji

yahan par aap ki chalti nahin hai

main jachti hun use har zawiye se

wo mera hai to bas yunhi nahin hai

wo KHushbu muKHtalif hai KHushbuon se

wo sab mein rah ke sab jaisi nahin hai

hawai firing mein zaea kar den

zarurat hai to ek goli nahin hai

tere KHwabon mein aane wali laDki

kisi ki baaton mein aati nahin hai

koi puchhe mera to us se kahna

sarasar pyar hai pyari nahin hai

jise thi aarzu phir ji uThun main

use ab mujh mein dilchaspi nahin hai

nahin roti tumhaara nam le kar

wo laDki ab wahi laDki nahin hai