مرے شعروں میں عکس زندگی ہے
مرے شعروں میں عکس زندگی ہے
جو دیکھا ہے سدا لکھا وہی ہے
مسرت ہے نہ آنکھوں میں نمی ہے
طبیعت میں عجب افسردگی ہے
لگی تھیں جس نشیمن پر نگاہیں
اسی پر تاک کے بجلی گری ہے
نہ سمجھے محسنوں کی جو اذیت
بھلا کس کام کا وہ آدمی ہے
مسافت ہے تھکن ہے اور میں ہوں
مرے ہمراہ میری بے کسی ہے
ہر اک کے دل میں ہے بغض و عداوت
یہ کیسا شہر امن و آشتی ہے
مفاعیلن مفاعیلن فعولن
غزل اس بحر میں فرحتؔ تلی ہے
مأخذ:
فانوس خیال (Pg. 30)
- مصنف: صبیحہ فرحت سنبھلی
-
- ناشر: صبیحہ فرحت سنبھلی
- سن اشاعت: 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
