meri aankhon ko dhoka ho raha hai

mirī āñkhoñ ko dhoka ho rahā hai

ki ā.īna hī dhuñdlā ho rahā hai

vahī ham haiñ vahī duniyā vahī dil

vahī jo ho rahā thā ho rahā hai

na āvāzeñ hī dil ko chhū rahī haiñ

na sannāTā hī gahrā ho rahā hai

na ye āñkheñ hī patthar ho rahī haiñ

na ye aañsū hī dariyā ho rahā hai

hamāre paañv zaḳhmī ho rahe haiñ

chalo hamvār rasta ho rahā hai

mire to ḳhvāb miTTī ho rahe haiñ

dar-o-dīvār ko kyā ho rahā hai

havā.eñ dukh baTātī phir rahī haiñ

zamīñ kā bojh halkā ho rahā hai

meri aankhon ko dhoka ho raha hai

ki aaina hi dhundla ho raha hai

wahi hum hain wahi duniya wahi dil

wahi jo ho raha tha ho raha hai

na aawazen hi dil ko chhu rahi hain

na sannaTa hi gahra ho raha hai

na ye aankhen hi patthar ho rahi hain

na ye aansu hi dariya ho raha hai

hamare panw zaKHmi ho rahe hain

chalo hamwar rasta ho raha hai

mere to KHwab miTTi ho rahe hain

dar-o-diwar ko kya ho raha hai

hawaen dukh baTati phir rahi hain

zamin ka bojh halka ho raha hai